భారత్ సరిహద్దులోని రెండు వేర్వేరు ఏరియాల్లోకి పాకిస్థాన్ పంపించిన పలు డ్రోన్లను సరిహద్దు భద్రతా దళ జవాన్లు కూల్చివేశారు. వారు తెలిపిన వివరాల ప్రకారం. . పంజాబ్లోని తరణ్తరణ్ జిల్లాలో భారత సరిహద్దు రక్షణ దళ సిబ్బంది విధులు నిర్వహిస్తున్నారు. పాక్ డ్రోన్లపై పంజాబ్ పోలీసులకు అందిన సమాచారం మేరకు జవాన్లు అప్రమత్తం అయ్యారు. ఈ క్రమంలో రాజోకి గ్రామ శివారులో డ్రోన్లు తిరుగుతున్నట్లు గమనించి వాటిని కూల్చేశారు. పొలంలో కూలిన వాటిని పరిశీలంచగా హెరాయిన్డ్రగ్స్ బయటపడ్డాయి.
అవి పాక్ డ్రోన్ క్వాడ్ కాప్టర్ మోడల్ డీజే1 మాట్రిస్ 300 ఆర్టీకే సిరీస్ అని బీఎస్ఎఫ్ తెలిపింది.మరో ఘటనలో అమృత్సర్ లోని ఫెన్సింగ్ వద్ద పొలంలో పూడ్చిపెట్టిన రెండు హెరాయిన్ ప్యాకెట్లను బీఎస్ఎఫ్ బలగాలు స్వాధీనం చేసుకున్నాయి. అనుమానాస్పదంగా కనిపించిన ఓ వ్యక్తిని జవాన్లు అదుపులోకి తీసుకున్నారు. భరోపాల్ గ్రామంలో కూడా టేపులో చుట్టిన హెరాయిన్ ప్యాకెట్లు స్వాధీనం చేసుకున్నారు. ఈ మధ్య కాలంలో భారత్లోకి డ్రగ్స్ని అక్రమంగా పంపించడానికి పాకిస్థాన్ డ్రోన్లు వినియోగిస్తోంది. ఈ మధ్య కాలంలోనే జమ్మూ కశ్మీర్, పంజాబ్ రాష్ట్రాల్లోని పాక్ సరిహద్దులో పలు డ్రోన్లను జవాన్లు కూల్చేశారు. ఈ పరిణామాలపై సరిహద్దు దళాలు మరింత అప్రమత్తం అయ్యాయి.
