మీకు మధుమేహం ఉన్నట్లయితే నీరు లేదా టీ వంటి కేలరీలు లేని పానీయాలను, పాల ప్రత్యామ్నాయాలు లేదా చక్కెర లేని నిమ్మరసాన్ని తీసుకోవాలని వైద్యులు సిఫార్సు చేస్తారు. మధుమేహం అంటే మీరు తినే లేదా త్రాగే ప్రతిదాని గురించి తప్పకుండా తెలుసుకోవాలి. మీరు తీసుకునే కార్బోహైడ్రేట్ల సంఖ్య, అవి మీ రక్తంలో చక్కెరను ఎలా ప్రభావితం చేస్తాయో తెలుసుకోవడం చాలా ముఖ్యం. నీరు వంటి జీరో కార్బ్, జీరో షుగర్ పానీయాల కంటే కార్బోహైడ్రేట్‌లతో కూడిన పానీయాలు మీ రక్తంలో చక్కెరను సులభంగా ప్రభావితం చేస్తాయి.
రోజంతా టోన్‌ని సెట్ చేయడానికి ఉదయమే ఉత్తమ సమయం. మీరు జీవక్రియ వ్యాధులతో పోరాడుతున్నట్లయితే, సహాయపడే పదార్థాలను (మూలికలు, మొక్కల ఆధారిత ఆహారాలు, విత్తనాలు) తీసుకోవడం ద్వారా మధుమేహానికి అనుకూలమైన రీతిలో మీ రోజును ప్రారంభించవచ్చు. ఈ మార్పులు చేయగలిగితే మీ కోరికలు, శక్తి స్థాయిలు, మానసిక స్థితి మెరుగుపడతాయి.. మీరు ప్రతిరోజూ మెరుగ్గా పని చేయగలుగుతారు.
రక్తంలో చక్కెర స్థాయిలను మెరుగ్గా నిర్వహించడానికి ఆహారంలో చేర్చుకోగల కొన్ని పానీయాలు:
1. కాకర జ్యూస్
కరేలా రసం మధుమేహ వ్యాధిగ్రస్తులకు ఎంతో మేలు చేస్తుంది. ఇది మీ శరీరంలోని బ్లడ్ షుగర్ లెవల్స్‌ను క్రమబద్ధీకరించడంలో సహాయపడుతుంది. అంతేకాకుండా, కరేలా రసంలో రక్తంలో గ్లూకోజ్-తగ్గించే ఏజెంట్ అని పిలువబడే చరంటిన్ అనే క్రియాశీల పదార్ధం ఉంటుంది. ఉదయం పూట ఒక గ్లాసు కరేలా రసం తీసుకుంటే రక్తంలో చక్కెర స్థాయిలను సమర్థవంతంగా నియంత్రించబడతాయి.
2. మెంతి గింజలు నీరు
మెంతి లేదా మెంతి గింజలు సహజంగా ఇన్సులిన్ సెన్సిటివిటీని మెరుగుపరుస్తాయి. ఫైబర్, సపోనిన్స్... మెంతి గింజల్లో అధికంగా ఉండటం వల్ల జీర్ణక్రియ, రక్తంలో గ్లూకోజ్‌ని నియంత్రించడంలో సహాయపడుతుంది. మెంతి గింజలు కొలెస్ట్రాల్, రక్తపోటును తగ్గించడానికి కూడా ఒక సూపర్ ఫుడ్ అని చెప్పవచ్చు. మేతి గింజల నీరును చర్మం రంగు మారడానికి కూడా సహాయపడుతుంది.
3. తులసి టీ
తులసిలో హైపోగ్లైసీమిక్, యాంటీ ఇన్ఫ్లమేటరీ లక్షణాలు ఉన్నాయి. ఇవి మధుమేహం, దాని వల్ల తలెత్తే సమస్యలను నిర్వహించడంలో సహాయపడతాయి. తులసి.. ఇన్సులిన్ సెన్సిటివిటీ, గ్లూకోజ్ జీవక్రియను మెరుగుపరుస్తుంది. ఆటో ఇమ్యూన్ డిజార్డర్‌లను నిర్వహించడానికి, రోగనిరోధక శక్తిని మెరుగుపరచడంలో కూడా సహాయపడుతుంది. తులసి టీని వేడినీరు, తులసి(7-8), అల్లం, నిమ్మరసం లాంటి కొన్ని పదార్థాలను జోడించడం ద్వారా తయారు చేయవచ్చు.
