దేశభక్తి కథాంశంతో 22 ఏళ్ల క్రితం ‘ఖడ్గం’ సినిమాను తెరకెక్కించారు కృష్ణవంశీ. ఇప్పుడీ సినిమాను రీ రిలీజ్ చేస్తున్నారు. అక్టోబర్ 18న ఈ చిత్రం మరోసారి ప్రేక్షకుల ముందుకొస్తోంది. ఈ సందర్భంగా ప్రెస్‌‌‌‌‌‌‌‌మీట్‌ నిర్వహించారు. దర్శకుడు కృష్ణవంశీ మాట్లాడుతూ ‘ ‘మన జాతీయ జెండా ఒక ఖడ్గం’ అనే ఉద్దేశంతో ఈ టైటిల్ పెట్టాం. సినిమా తీయడంలో సహాయం చేసిన నిర్మాత మధు మురళి గారికి, సహకరించిన నటీనటులకు థ్యాంక్స్. ఇన్నేళ్ల తర్వాత ఈ సినిమా మళ్ళీ ప్రేక్షకుల ముందుకు వస్తుండడం సంతోషంగా ఉంది’ అని చెప్పారు. తమ జీవితంలో మర్చిపోలేని సినిమా ఇదని, అలాంటి సినిమా రీ రిలీజ్ కావడం హ్యాపీగా ఉందంటూ శ్రీకాంత్, శివాజీరాజా, షఫీ ఆనందం వ్యక్తం చేశారు.
