మాస్ మహారాజ రవితేజ హీరోగా వచ్చిన క్రాక్ మూవీ ఎంత పెద్ద సక్సెస్ అయ్యిందో ప్రత్యేకంగా చెప్పాల్సిన పనిలేదు. అప్పటివరకు వరుస ఫ్లాప్స్ తో ఉన్న రవితేజకు పూర్వ వైభవాన్ని తెచ్చిపెట్టింది ఈ సినిమా. గోపీచంద్ మలినేని తెరకెక్కించిన ఈ సినిమా మాస్ ప్రేక్షకులను విశేషంగా ఆకట్టుకుంది. అయితే క్రాక్ సినిమా రిలీజ్ టైంలోనే సీక్వెల్ కూడా ఉంటుందని ప్రకటించాడు డైరెక్టర్ గోపీచంద్ మలినేని.
ఇప్పుడు అదే ప్లాన్ లో ఉన్నాడట ఈ డైరెక్టర్. రీసెంట్ గా బాలయ్యతో వీరసింహా రెడ్డి సినిమా తీసి కెరీర్ బిగ్గెస్ట్ హిట్ అందుకున్న ఈ డైరెక్టర్.. క్రాక్ 2కి సంబందించిన కథని కూడా సిద్ధం చేసాడట. ఫైనల్ స్క్రిప్ట్ తో ఫుల్ సాటిస్ఫై అయిన రవితేజ ఈ ప్రాజెక్ట్ కోసం వెంటనే ఒకే చెప్పేశాడట. ఇక గోపీచంద్ మలినేని తో వీరసింహా రెడ్డి సినిమాను తెరకెక్కించిన మైత్రి మూవీ మేకర్స్ ఈ సినిమాను నిర్మించనున్నారని సమాచారం. ఈ ప్రాజెక్ట్ కు సంబంధించిన మిగతా వివరాలు త్వరలోనే బయటకు వచ్చే అవకాశం ఉంది.
రవితేజ ప్రస్తుతం టైగర్ నాగేశ్వర రావు సినిమా షూటింగ్ లో ఫుల్ బిజీ గా ఉన్నాడు. పాన్ ఇండియా లెవల్లో తెరకెక్కుతున్న ఈ మూవీ త్వరలోనే ప్రేక్షకుల ముందుకు రానుంది.
