- పర్మిషన్ లేకుండా మెట్రో పిల్లర్లకు పోస్టర్లేయొద్దు
- అతికిస్తే రూ.1,000 జరిమానా, 6 నెలల జైలు శిక్ష: మెట్రో ఎండీ
హైదరాబాద్, వెలుగు: మెట్రో రైల్ పిల్లర్లపై అనుమతి లేకుండా రాజకీయ నాయకుల పోస్టర్లు అతికిస్తే కఠిన చర్యలు తీసుకుంటామని మెట్రో ఎండీ ఎన్వీఎస్ రెడ్డి హెచ్చరించారు. అధికారికంగా ప్రకటనలు ఇవ్వొచ్చని, నిబంధనలు అతిక్రమిస్తే రూ.వెయ్యి ఫైన్తో పాటు 6నెలల జైలు శిక్ష ఉంటుందని తెలిపారు. మెట్రో రైల్ కనెక్టివిటీ వెహికల్స్ ‘‘స్విదా సర్వీసెస్” పది లక్షల రైడ్స్ పూర్తి చేసుకుంది. ఈ సందర్భంగా గురువారం బేగంపేటలోని ఓ హోటల్లో ఏర్పాటు చేసిన కార్యక్రమానికి ఆయన చీఫ్ గెస్ట్గా హాజరై మాట్లాడారు. ప్యాసింజర్స్ సౌకర్యార్థం బలమైన ఫీడర్ నెట్‌‌వర్క్‌ నిర్మించడానికి తాము వివిధ సర్వీస్ ప్రొవైడర్‌‌లతో కలిసి పని చేస్తున్నామని ఎన్వీఎస్ రెడ్డి చెప్పారు.
కనెక్టివిటీ మెరుగుపర్చేందుకు ఒప్పందం
ఫీడర్ వెహికల్ సర్వీసెస్ తో మెట్రో రైల్ మొదటి, చివరి మైల్ కనెక్టివిటీని మెరుగుపర్చేందుకు అర్బన్ మొబిలిటీ సర్వీసెస్ స్టార్టప్ స్విదా మొబిలిటీ, ఎల్ అండ్ టీ మెట్రో రైల్తో పదేండ్ల ఒప్పందం కుదుర్చుకుంది. స్విదా వెహికల్స్ మియాపూర్, ఎల్బీనగర్, రాయదుర్గం, మెట్టుగూడ, ఉప్పల్ లో అందుబాటులో ఉన్నాయి. ఈ వెహికల్స్ సేవలను రోజుకు 3వేల కంటే ఎక్కువ మంది ప్రయాణికులు ఉపయోగించుకుంటున్నారు. ఎల్ అండ్ టీ ఎంఆర్‌‌‌‌హెచ్‌‌ఎల్ ఎండీ, సీఈఓ కేవీబీ రెడ్డి, స్విదా మొబిలిటీ ప్రైవేట్ లిమిటెడ్ సీఈఓ సిద్దార్థ రవి పాల్గొన్నారు.
