ఇటీవల అనారోగ్యం పాలైన ఓ వ్యక్తిని ట్రీట్మెంట్కోసం దోమకొండ సీహెచ్సీకి తీసుకొచ్చారు. మెరుగైన చికిత్స కోసం అతన్ని కామారెడ్డికి తీసుకెళ్లాలని డాక్టర్లు సూచించారు. స్థానికంగా అంబులెన్స్అందుబాటులో ఉన్నా, నడిపేందుకు డ్రైవర్లేడు. దీంతో పేషెంట్కు సైలెన్బాటిల్పెట్టి, కిరాయి ఆటోలో కామారెడ్డికి తరలించారు.
- ఎంపీ ఫండ్స్తో సీహెచ్సీలకు 3 అంబులెన్స్ల కేటాయింపు
- రోగులను తరలించేందుకు డ్రైవర్లు లేక ఇబ్బందులు
- డీజిల్కు సైతం బడ్జెట్లేని పరిస్థితి
- ఏడాదిన్నరగా మూలకు చేరిన వెహికల్స్
కామారెడ్డి, వెలుగు: కామారెడ్డి జిల్లా హాస్పిటల్లోనే కాకుండా సీహెచ్సీలకు కొత్తగా కేటాయించిన అంబులెన్స్లతో అత్యవసర పరిస్థితుల్లో రోగులకు ఎలాంటి ప్రయోజనం చేకూరడం లేదు. అంబులెన్సులున్నా డ్రైవర్లు అందుబాటులో లేక ఈ పరిస్థితి నెలకొంది. దీంతో మెరుగైన ట్రీట్మెంట్కోసం వేరే ఏరియాలకు తరలించాలంటే ప్రైవేట్అంబులెన్స్లు లేదా ఆటోలను ఆశ్రయించాల్సి వస్తోంది.
ఎంపీ కోటా ద్వారా కేటాయింపు
అత్యవసర పరిస్థితుల్లో రోగులను తరలించేందుకు జహీరాబాద్ఎంపీ బీబీ పాటిల్ఎంపీ కోటా ఫండ్స్తో 3 అంబులెన్స్ లు కొన్నారు. వీటిని ఏడాదిన్నర కింద దోమకొండ, మద్నూర్, బిచ్కుంద సీహెచ్సీలకు కేటాయించారు. అంబులెన్స్లు ఉన్నా, వాటిని వాడడం లేదు. ఈ విషయమై ఇటీవల జరిగిన జడ్పీ మీటింగ్లో జుక్కల్ఎమ్మెల్యే హన్మంత్షిండే ఆఫీసర్లను ప్రశ్నించారు. ప్రత్యామ్నాయ చర్యలు చేపడతామని వారు తెలిపారు.
పరిస్థితి ఇది..
కామారెడ్డి జిల్లాలో అత్యధికంగా వెనకబడిన నియోజకవర్గం జుక్కల్. ఇక్కడ హాస్పిటల్సౌకర్యాలు చాలా తక్కువ. అత్యవసర పరిస్థితుల్లో ఇక్టడి ప్రజలు నిజామాబాద్, బోధన్, బాన్సువాడ, మహారాష్ర్టలోని నాందేడ్, దెగ్లూర్ లకు వెళ్తారు. ఇక్కడి ప్రజల ఇబ్బందులను దృష్టిలో ఉంచుకొని ఇదే నియోజకవర్గానికి చెందిన ఎంపీ బీబీపాటిల్మద్నూర్, బిచ్కుంద సీహెచ్లకు ఎంపీ ఫండ్స్కింద అంబులెన్స్లు కేటాయించారు. కామారెడ్డి నియోజక వర్గంలోని దోమకొండ సీహెచ్సీకి మరో అంబులెన్స్ఇచ్చారు. ఒక్కో వెహికల్కి రూ.20 లక్షలు ఖర్చయింది. అయితే డ్రైవర్ల నియమాకంపై ప్రజాప్రతినిధులు, ఆఫీసర్లు దృష్టి పెట్టలేదు. దీంతో అంబులెన్స్సీహెచ్సీల్లో మూలన పడ్డాయి. కొన్నిసార్లు తాత్కాలిక డ్రైవర్లతో వీటిని వినియోగించారు. మద్నూర్లో గతంలో పని చేసిన డ్రైవర్లతో టెంపరరీగా కొన్నిసార్లు వాడిన ట్లు చెబుతున్నారు.
పేషెంట్లే డీజిల్పోయించుకోవాలి..
అంబులెన్స్లకు డ్రైవర్లు లేకపోవడంతో పాటు డీజిల్కు బడ్జెట్లేదు. సీహెచ్సీల నుంచి ఇతర హాస్పిటల్కు పేషెంట్ను అత్యవసరంగా తరలించాల్సివస్తే రోగుల తరఫున వచ్చిన వారే డీజిల్పోయించాలి. డ్రైవర్లు, డీజిల్కు బడ్జెట్లేకపోవడంతో పేషెంట్లు ప్రైవేట్వెహికిల్స్ ఆశ్రయిస్తున్నారు. ఇదే అదునుగా భావించి ప్రైవేట్వెహికిల్స్వాళ్లు ఎక్కువ చార్జీలు వసూలు చేస్తున్నారు. పేద, మధ్యతరగతి వర్గాలవారికి అంబులెన్స్చార్జీలు భారమవతున్నాయి. రూ. లక్షలు ఖర్చుచేసి అంబులెన్సులు కొన్నా, వాటిని వినియోగించక మూలకు పెట్టడంపై విమర్శలు వస్తున్నాయి. నాయకులు, ఉన్నతాధికారులు చొరవ చూపి సమస్యకు పరిష్కారం చూపాలని ప్రజలు కోరుతున్నారు.
108 డ్రైవర్ను వాడుతున్నాం..
డ్రైవర్లేకపోవడంతో అత్యవసర పరిస్థితిలో 108 అంబులెన్స్డ్రైవర్ను వాడుకుంటున్నాం. అంబులెన్స్ను వాడుకోవాలంటే పేషెంట్ల సంబంధీకులే డీజిల్పోయించుకోవాలి. బడ్జెట్లేక ఈ పరిస్థితి ఏర్పడింది.
- సంగీత్కుమార్, సీహెచ్సీ, దోమకొండ సూపరింటెండెంట్
