డీఆర్డీవోలో ఉద్యోగాలకు నోటిఫికేషన్ రిలీజ్ అయింది. 181 సైంటిస్ట్‌ B పోస్టుల భర్తీకి ఆన్‌లైన్‌లో దరఖాస్తులు ప్రారంభమయ్యాయి. సైన్స్ లో ఇంజినీరింగ్‌, పోస్టుగ్రాడ్యుయేషన్‌ చేసిన అభ్యలు ఈ పోస్టులకు అర్హులు. ఆసక్తిగల అభ్యర్థులు https://rac.gov.in వెబ్‌సైట్‌లో రిజిస్ట్రేషన్ చేసుకోవాలని డీఆర్డీవో సూచించింది. రిజిస్ట్రేషన్ జనరేట్ అయినప్పటి నుంచి 21 రోజుల వరకు దరఖాస్తు చేసుకునే అవకాశం కల్పించింది.
విద్యార్హతలు: పోస్టులను బట్టి అభ్యర్థులు ఎలక్ట్రానిక్స్‌ అండ్ కమ్యూనికేషన్స్‌/మెకానికల్‌/కంప్యూటర్‌సైన్స్‌/ఎలక్ట్రికల్‌/మెటీరియల్‌ సైన్స్/కెమికల్‌ ఇంజినీరింగ్‌ ఏరోనాటికల్‌/ఏరోస్పేస్‌/సివిల్‌ ఇంజినీరింగ్‌లో ఫస్ట్‌ క్లాస్‌లో బీటెక్‌ పాసై ఉండాలి. మరి కొన్ని ఉద్యోగాలకు ఎమ్మెస్సీ ఫిజిక్స్‌/కెమిస్ట్రీ/మేథమెటిక్స్‌లో ఫస్ట్‌ క్లాస్‌లో పాసై ఉండాలి. దీంతో పాటు గేట్‌ స్కోరు కీలకం.
చివరి సంవత్సరం చదువుతున్న విద్యార్థులు కూడా ఈ పోస్టులకు దరఖాస్తు చేసుకోవచ్చు. అయితే ఆగస్టు 31 నాటికి అభ్యర్థులు తమ డిగ్రీ/ప్రొవిజనల్‌ డిగ్రీ సర్టిఫికెట్లను సమర్పించాల్సి ఉంటుంది. మొత్తం 181 పోస్టుల్లో దివ్యాంగులకు ఏడు పోస్టులను రిజర్వు చేశారు. భారతీయ పౌరులు మాత్రమే దరఖాస్తు చేసుకొనేందుకు అర్హులు. ఈ ఉద్యోగాలు పొందిన వారికి మెట్రో నగరాల్లో నెలకు దాదాపు రూ.లక్ష వరకు జీతం చెల్లిస్తారు.
ఎంపిక విధానం: అర్హులైన అభ్యర్థులు సాధించిన గేట్‌ స్కోరు ఆధారంగా 1:10 నిష్పత్తిలో షార్ట్‌లిస్ట్‌ చేస్తారు. ఆ తర్వాత ఇంటర్వ్యూ నిర్వహిస్తారు.
వయో పరిమితి: అన్‌రిజర్వ్‌డ్‌ కేటగిరీ అభ్యర్థులకు 28ఏళ్లు మించకూడదు. ఓబీసీలకు 31 ఏళ్లు, ఎస్సీ/ఎస్టీ అభ్యర్థులకు 33 ఏళ్లు మించరాదు.
*
