మద్యం మత్తులో తాగుబోతులు హల్ చల్ సృష్టిస్తున్నారు. తాగిన మత్తులో ఎక్కడున్నాం.. ఎలా ఉన్నామనే సోయిలేకుండా ఇష్టం వచ్చిన చేష్టలు చేస్తున్నారు. రాజన్న సిరిసిల్ల జిల్లా కేంద్రంలోని సిరిసిల్ల పట్టణం పోలీస్ స్టేషన్ ముందు అర్థ రాత్రి 1.30కు ఓ వ్యక్తి ఫుల్ గా మంద్యపానం సేవించి పోలీస్ స్టేషన్ ముందు హల్ చల్ సృష్టించాడు. స్టేషన్ గేట్ ముందు నడి రోడ్డు పై నగ్నంగా హంగామా చేశాడు. అడ్డుకున్న పోలీసులపైకి ఎగరబోయాడు.
వివరాల్లోకి వెళితే కామారెడ్డి జిల్లా మద్నూర్ మండలం మేనీరు గ్రామానికి చెందిన జైపాల్ అనే వ్యక్తి ఆర్టీసీ బస్సు నుంచి సిరిసిల్ల పట్టణం పోలీస్ స్టేషన్ ముందు దిగాడు. స్టేషన్ లో నైట్ డ్యూటీ చేస్తున్న పోలీసుల వద్దకు వచ్చి అసభ్యంగా ప్రవర్తించాడు. పోలీస్ స్టేషన్ గేటు ముందు బట్టలిప్పి రోడ్డుపై నగ్నంగా, ఇష్టానుసారంగా బూతులు తిడుతూ వీరంగం సృష్టించాడు.
జైపాల్ ను సముదాయించేందుకు పోలీసులు సుమారు రెండున్నర గంటల పాటు ప్రయత్నించిన వినకపోవడంతో జైపాల్ దగ్గర నుంచి ఫోన్ లాక్కొని కుటుంబ సభ్యులకు సమాచారం అందించారు. జైపాల్ కు కౌన్సిలింగ్ ఇచ్చి ఇంటికి పంపించారు.
