ప్రముఖ లగ్జరీ బైకుల తయారీ సంస్థ డుకాటి లేటెస్ట్ మోడల్ XDiavel V4ను ఇండియాలో లాంచ్ చేసింది. పాత V-ట్విన్ మోడల్ స్థానంలో ఇప్పుడు మరింత శక్తివంతమైన V4 గ్రాంటురిస్మో ఇంజిన్ తో క్రూయిజర్ లైనప్లో ఈ బైక్ను పరిచయం చేస్తుంది. స్పోర్ట్స్ బైకుల్లో ఉండే అత్యాధునిక V4 ఇంజిన్ను ఈ క్రూయిజర్ బైక్లో వాడారు. దీనివల్ల బైక్ చాలా వేగంగా, స్మూత్గా వెళ్తుంది. ఇది చూడటానికి స్టైలిష్గా ఉండటమే కాకుండా లాంగ్ డ్రైవ్ వెళ్లేవారికి చాలా సౌకర్యవంతంగా ఉంటుంది. ఈ బైకులను విదేశాల నుండి పూర్తిగా తయారు చేసి (CBU) ఇండియాకు తీసుకొస్తున్నారు. ప్రీమియం క్రూయిజర్ బైకులు ఇష్టపడే వారికి, స్పీడ్ తో పాటు లగ్జరీని కోరుకునే వారికి డుకాటి XDiavel V4 ఒక అద్భుతమైన ఆప్షన్ అని చెప్పొచ్చు.
ఇంజిన్ & పర్ఫార్మెన్స్ :
డుకాటి XDiavel V4లో 1,158cc V4 గ్రాంటురిస్మో లిక్విడ్-కూల్డ్ ఇంజిన్, 168 హార్స్ పవర్, 126 Nm టార్క్ను ఉత్పత్తి చేస్తుంది. 6-స్పీడ్ గేర్బాక్స్తో వస్తుంది. ఈ బైక్లో ఉన్న గొప్ప ఫీచర్ ఏంటంటే.. స్మార్ట్ సిలిండర్ టెక్నాలజీ అవసరాన్ని బట్టి సిలిండర్లను ఆటోమేటిక్గా ఆపేస్తుంది. మనం సిటీలో ట్రాఫిక్లో తక్కువ స్పీడ్ తో వెళ్తున్నప్పుడు వేడి తగ్గించడానికి, పెట్రోల్ ఆదా చేయడానికి వెనుక ఉన్న సిలిండర్లను ఈ ఇంజిన్ తాత్కాలికంగా ఆపివేస్తుంది. లాంగ్ రైడ్ కోసమే కాకుండా, సిటీ ట్రాఫిక్లో కూడా హాయిగా నడిపేలా ఈ బైక్ను డిజైన్ చేశారు.
ALSO READ : ఇన్వెస్టర్లకు సిల్వర్ షాక్.. 3 గంటల్లో రూ.21వేలు పతనం..
టాప్ స్పీడ్ :
డుకాటీ XDiavel V4 గంటకు 250 km/h స్పీడ్ తో దూసుకెళ్తుందని చెబుతున్నారు. ఈ బైక్ ప్రపంచవ్యాప్తంగా ఉన్న అత్యంత వేగవంతమైన క్రూయిజర్లలో ఒకటిగా నిలిచింది. దీని సీటు ఎత్తు 770mm, ఫార్వర్డ్-సెట్ ఫుట్పెగ్స్, వెడలపైన హ్యాండిల్బార్, హైవే రైడ్స్ కి కంట్రోలింగ్ రైడింగ్ పొజిషన్ను ఇస్తాయి.
సస్పెన్షన్, బ్రేక్లు:
అడ్జస్ట్ చేయగల అప్సైడ్-డౌన్ ఫ్రంట్ ఫోర్కులు, వెనుక మోనోషాక్ ఇచ్చారు. బ్రేకింగ్ హార్డ్వేర్లో బ్రెంబో కాలిపర్లతో డ్యూయల్ ఫ్రంట్ డిస్క్ బ్రేక్లు, కార్నరింగ్ ABS బ్యాక్ డిస్క్ బ్రేక్స్ ఉన్నాయి. ఈ సెటప్ హై స్పీడ్ కంట్రోలింగ్ కోసం ట్యూన్ చేసింది.
ఎలక్ట్రానిక్స్ ఫీచర్లు:
ఈ బైక్ కి ఫుల్ కలర్ TFT డిస్ ప్లే, రైడింగ్ మోడ్స్, ట్రాక్షన్ కంట్రోల్, వీలీ కంట్రోల్, లాంచ్ కంట్రోల్, క్రూయిజ్ కంట్రోల్తో వస్తుంది.
ధర:
డుకాటి XDiavel V4 ధర రూ. 30.89 లక్షలు (ఎక్స్-షోరూమ్, ఇండియా). రాష్ట్ర పన్నులు, రిజిస్ట్రేషన్ ఖర్చులను బట్టి ఆన్-రోడ్ ధర కొంచెం పెరగవచ్చు. అన్ని ప్రముఖ నగరాల్లో డుకాటి డీలర్షిప్ల ద్వారా డెలివరీలు ఉంటాయి.
