హైదరాబాద్, వెలుగు: కులు/ఎన్బీఎఫ్సీ కంపెనీల నుంచి లోన్లు తీసుకోవాలంటే క్రెడిట్ స్కోర్ ఎంత ముఖ్యమో మనందరికీ తెలిసిందే. హోం లోన్లు, వెహికల్ లోన్లు, వ్యక్తిగత లోన్లు లేదా క్రెడిట్ కార్డుల కోసం దరఖాస్తు చేసుకునేటప్పుడు బ్యాంకులు, ఆర్థిక సంస్థలు ప్రధానంగా పరిశీలించేది దీనినే! తక్కువ క్రెడిట్ స్కోర్ లోన్ దరఖాస్తులను తిరస్కరించడానికి దారితీయవచ్చు లేదా అధిక వడ్డీ రేట్లతో కూడిన లోన్లను పొందవలసి రావచ్చు. ఇది తగినంత ఉండటం చాలా అవసరం. క్రెడిట్ స్కోర్ తక్కువగా ఉందని ఆందోళన చెందాల్సిన అవసరం లేదు. సరైన ప్రణాళికతో, క్రమశిక్షణతో స్కోర్ను బాగా మెరుగుపరచుకోవచ్చు. క్రెడిట్స్కోర్ను పెంచుకోవడానికి మంచి ఆర్థిక భవిష్యత్తును నిర్మించుకోవడానికి పాటించాల్సిన విధానాలు ఇక్కడ ఉన్నాయి.
బకాయిలను సకాలంలో చెల్లించండి
ఇది క్రెడిట్ స్కోర్ను ప్రభావితం చేసే అత్యంత ముఖ్యమైన అంశం. క్రెడిట్ కార్డు బిల్లులు, ఈఎంఐలు (సమాన నెలవారీ వాయిదాలు), ఇతర వాయిదాలను ఎప్పుడూ ఆలస్యం చేయకుండా నిర్ణీత తేదీలోపు చెల్లించండి. ఒకసారి చెల్లింపు మిస్ అయితే అది మీ క్రెడిట్ స్కోర్‌‌‌‌‌‌‌‌పై ప్రతికూల ప్రభావాన్ని చూపుతుంది. ఆటో-డెబిట్ సెటప్ చేయడం లేదా రిమైండర్‌‌‌‌‌‌‌‌లను సెట్ చేసుకోవడం ద్వారా మీరు చెల్లింపులు మరచిపోకుండా చూసుకోవచ్చు. క్రెడ్ వంటి యాప్స్ వాడితే అవి రిమైండర్స్ పంపిస్తాయి.
క్రెడిట్ వాడకం తక్కువగా ఉండాలి
మీ క్రెడిట్ లిమిట్ నుంచి వాడుకునే మొత్తాన్ని క్రెడిట్ వినియోగ నిష్పత్తి అంటారు. మీ క్రెడిట్ లిమిట్లో 30శాతం కంటే తక్కువ ఉపయోగించడం మంచిది. ఉదాహరణకు, మీ క్రెడిట్ కార్డ్ పరిమితి రూ.లక్ష అయితే, రూ.30వేల కంటే ఎక్కువ ఉపయోగించకుండా చూసుకోండి. ఇది మీరు డబ్బును జాగ్రత్తగా ఖర్చు చేస్తున్నారని కంపెనీ భావించేలా చేస్తుంది. ఇంతకంటే ఎక్కువ ఖర్చు చేస్తే మీకు డబ్బు అవసరం చాలా ఎక్కువగా ఉన్నట్టు భావిస్తారు.
పాత క్రెడిట్కార్డులను క్లోజ్ చేయొద్దు
క్రెడిట్ హిస్టరీ అనేది మీ క్రెడిట్ స్కోర్‌‌‌‌‌‌‌‌లో ఒక ముఖ్యమైన భాగం. దీర్ఘకాలంగా ఉన్న పాత క్రెడిట్ కార్డులు, ముఖ్యంగా మీరు సకాలంలో చెల్లించినవి, మీ క్రెడిట్ స్కోర్‌‌‌‌‌‌‌‌కు సానుకూలంగా దోహదపడతాయి. ఉపయోగంలో లేని పాత ఖాతాలను మూసివేయడం వల్ల మీ సగటు క్రెడిట్ చరిత్ర తగ్గి, స్కోర్ ప్రభావితం కావచ్చు. ఎక్కువ సంఖ్యలో క్రెడిట్కార్డులు ఉన్నా.. క్రెడిట్స్కోర్తగ్గుతుందని ఎక్స్పర్టులు చెబుతున్నారు. కాబట్టి కార్డును తీసుకునేటప్పుడే జాగ్రత్తగా ఉండాలి.
తరచూ లోన్లు/కార్డుల కోసం దరఖాస్తు చేయవద్దు
ప్రతిసారి మీరు కొత్త క్రెడిట్ కార్డ్ లేదా లోన్ కోసం దరఖాస్తు చేసినప్పుడు, బ్యాంకు మీ క్రెడిట్ రిపోర్ట్ను "హార్డ్ ఎంక్వైరీ" చేస్తుంది. ఇటువంటివి ఎక్కువ ఉంటే క్రెడిట్ స్కోర్‌‌‌‌‌‌‌‌పై ప్రతికూల ప్రభావాన్ని చూపుతాయి. మీకు నిజంగా అవసరమైనప్పుడు మాత్రమే క్రెడిట్కార్డు/లోన్ కోసం దరఖాస్తు చేసుకోండి.
మీ క్రెడిట్ రిపోర్ట్ను చెక్ చేస్తూ ఉండండి
క్రెడిట్ బ్యూరోల (సిబిల్, ఎక్స్పీరియన్, ఈక్విఫాక్స్మొదలైనవి) నుంచి మీ క్రెడిట్ రిపోర్ట్ను క్రమం తప్పకుండా తనిఖీ చేయండి. రిపోర్ట్లో ఏవైనా లోపాలు లేదా తప్పులు ఉంటే, అవి మీ స్కోర్ను ప్రభావితం చేయవచ్చు. అలాంటి లోపాలను వెంటనే సంబంధిత క్రెడిట్ బ్యూరోకు తెలియజేసి సరిదిద్దేలా చూసుకోండి. ఈ పద్ధతులను అనుసరించడం ద్వారా, మీరు మీ క్రెడిట్ స్కోర్ను సమర్థవంతంగా మెరుగుపరచుకోవచ్చు. ఏదైనా లోన్ వాయిదా కట్టక డిఫాల్ట్అయితే బ్యాంకుతో సెటిల్మెంట్ కుదుర్చుకోవాలి. రీపేమెంట్ప్లాన్ను ప్రయత్నించవచ్చు. వన్ టైం సెటిల్మెంట్అడగవచ్చు. అప్పు తీర్చాక ‘లెటర్ఆఫ్క్లోజర్’ను తీసుకోవాలి.
