తెలియని ప్లేస్కి వెళ్లాలంటే వెంటనే గూగుల్ మ్యాప్ ఓపెన్ చేస్తాం. అందులో మెయిన్ రూట్, షార్ట్ కట్, ట్రాఫిక్, లొకేషన్ డీటెయిల్స్ వంటివి కనిపిస్తాయి. అయితే, ఇప్పుడు ఇందులో మరో కొత్త అప్డేట్ యాడ్ అయింది. అదేంటంటే.. వీల్ చెయిర్లో వెళ్లడానికి, మెట్లు ఎక్కలేని వాళ్లకోసం సాఫీగా ఉండే దారుల్ని సజెస్ట్ చేస్తుంది గూగుల్ మ్యాప్. ఉదాహరణకు.. వీల్ చెయిర్లో వెళ్లడానికి సరైన రూట్ చూపించమని అడిగితే.. వీల్ చెయిర్ ఐకాన్ ఉన్న దారి చూపిస్తుంది. అంతేకాకుండా స్టెప్ ఫ్రీ ఎంట్రన్స్, రెస్ట్రూమ్స్, పార్కింగ్ లేదా సీటింగ్ వంటి వాటిని కనిపెట్టేందుకు ఈ ఐకాన్ని ఫాలో కావాలి.
మ్యాప్లో లెన్స్ కూడా ఉంటుంది. ఇంతకుముందు అది ‘సెర్చ్ విత్ లైవ్ వ్యూ’ అని వచ్చేది. అందులో కొత్త ప్లేస్లను సెర్చ్ చేయడానికి ఫోన్ కెమెరాలోకి వెళ్లి, ఎ.ఆర్., ఎ.ఐ. ఫీచర్స్ సాయం తీసుకోవాల్సి ఉండేది. కానీ, స్క్రీన్ రీడర్ కేపబిలిటీస్ ఇప్పుడు ఐఓఎస్లో అందుబాటులోకి తెచ్చింది. వచ్చే ఏడాది ఆండ్రాయిడ్లోకి కూడా ఈ ఫీచర్ వస్తుంది. దీన్ని వాడాలంటే కెమెరా ఐకాన్ మీద ట్యాప్ చేసి, దగ్గర్లో ఉన్న ప్లేస్ల గురించి ఫోన్లో వచ్చే ఆడిటరీ ఫీడ్ బ్యాక్ వినాలి. ఈ ఫీచర్ చదవడం రాని, స్పెల్లింగ్స్ పలకలేని వాళ్లకు, లాంగ్వేజ్ లెర్నర్స్ కోసం, ఫాస్ట్గా రిజల్ట్ కావాలనుకునేవాళ్లకు ఉపయోగపడుతుంది. ఈ ఫీచర్ డెస్క్టాప్, మొబైల్స్లో క్రోమ్లో అందుబాటులో ఉంది.
అలాగే ఇప్పుడు షార్ట్కట్ రూట్స్ సెలక్ట్ చేసుకుని, అందులో ఇమేజెస్ని పర్సనలైజ్ చేసి హోమ్ స్క్రీన్లో సైజ్ అడ్జస్ట్ చేయొచ్చు. పర్సనలైజేషన్ చేయడం వల్ల కాగ్నిటివ్ డిఫరెన్సెస్, డిజేబిలిటీస్ ఉన్నవాళ్లకు హెల్ప్ అవుతుందని స్టడీల్లో తేలింది.
అదేకాకుండా.. గూగుల్ ఫ్రేమ్ ఫీచర్ పిక్సెల్8, పిక్సె 8 ప్రొ మోడల్స్లో అందుబాటులో ఉంది. అది పెట్స్, డిషెస్, డాక్యుమెంట్స్, ఫేసెస్ని ఈజీగా గుర్తిస్తుంది. ఈ ఏడాది ఈ ఫీచర్ పిక్సెల్ 6, పిక్సెల్ 7లో కూడా అందుబాటులోకి రానుంది.
