తెలంగాణలో ఎన్నికల కోడ్ అమల్లోకి వచ్చింది. రాష్ట్ర ఎన్నికల కమిషన్ మున్సిపల్ ఎన్నికలకు షెడ్యూల్ విడుదల చేయడంతో రాష్ట్ర వ్యాప్తంగా 116 మున్సిపాలిటీలు, 7 కార్పొరేషన్ల పరిధిలో ఎన్నికల కోడ్ అమల్లో ఉంటుంది. ఫిబ్రవరి 16 వరకు ఎన్నికల కోడ్ అమల్లో ఉండనుంది. ఎన్నికల కోడ్ అమలుతో ప్రభుత్వ పథకాలు ప్రకటన, బదిలీలపై నిషేదం ఉంటుంది .
మున్సిపల ఎన్నికల షెడ్యూల్
- జనవరి 28 నుంచి నామినేషన్లు ప్రారంభం
- జనవరి 30 వరకు నామినేషన్ల తుది గడువు
- జనవరి 31న నామినేషన్ల పరిశీలన
- ఫిబ్రవరి 3న నామినేషన్ల విత్ డ్రాకు గడువు
- ఫిబ్రవరి 11న మున్సిపల్ ఎన్నికల పోలింగ్
- ఫిబ్రవరి 13న ఫలితాలు
- ఫిబ్రవరి 16న మేయర్,మున్సిపల్ ఛైర్మన్ల ఎన్నిక
రాష్ట్ర వ్యాప్తంగా ఎలక్షన్ కమిషన్8,195 పోలింగ్స్టేషన్లు ఏర్పాటు చేశారు. వీటిలో మొత్తం 52.43 లక్షల మంది ఓటర్లు తమ ఓటు హక్కు వినియోగించుకోనున్నారు. ఒక్కో పోలింగ్ స్టేషన్లో సుమారు 700 మంది ఓటర్లు తమ ఓటు హక్కు వినియోగించుకునే విధంగా ఏర్పాట్లు చేశారు.
బ్యాలెట్ పద్ధతిలో పోలింగ్ నిర్వహించాలని ప్రభుత్వం భావించడంతో ఓటు హక్కు వినియోగించుకునే క్రమంలో టైమ్ ఎక్కువగా తీసుకుంటుందనే అభిప్రాయంతో ఎక్కువ సంఖ్యలో పోలింగ్ స్టేషన్లు ఏర్పాటు చేశారు. పోలింగ్ ప్రక్రియలో 1,390 మంది ఆర్వోలు, 1,480 మంది ఏఆర్వో లు పాల్గొననున్నారు. వీరి వివరాలను జిల్లాలవారీగా టీ పోల్ యాప్లో నమోదు చేశారు.
