ఇది ఏజెంట్లకూ వర్తిస్తది
మున్సిపల్ఎన్నికల్లో ఎలక్షన్కమిషన్రూల్స్
స్పెషల్ అకౌంట్ ఓపెన్చేసి ట్రాన్సాక్షన్స్ చేయాలె
రూ.5వేల వరకే
క్యాష్ఇచ్చే చాన్స్
మున్సిపల్ ఎన్నికల్లో పోటీ చేసే క్యాండిడేట్లు తమ వెంట రూ.10 వేలకు మించి క్యాష్ ఉంచుకోవద్దని చెప్తోంది స్టేట్ ఎలక్షన్ కమిషన్. క్యాండిడేట్లే కాదు వారి ఎన్నికల ఏజెంట్లూ తమ వెంట అంతకు మించి నగదు ఉంచుకోకుండా చూసుకోవాలని స్పష్టం చేసింది. నామినేషన్‌ నుంచి రిజల్ట్స్ప్రకటించేంత వరకు ఎన్నికల ఖర్చు కోసం స్పెషల్అకౌంట్క్రియేట్చేసి దాని ద్వారానే ట్రాన్సాక్షన్స్ చేయాల్సి ఉంటుంది. నామినేషన్‌కు ఒక రోజు ముందే ఆ అకౌంట్ తెరవాలి. తెలంగాణ మున్సిపల్ యాక్ట్‌లోని సెక్షన్‌ 343 జెడ్‌సీ (1, 2) లో దీన్ని మెన్షన్ చేశారు. అకౌంట్ నంబర్‌ను సంబంధిత రిటర్నింగ్‌ ఆఫీసర్అయిన కార్పొరేషన్‌, మున్సిపల్కమిషనర్‌కు అందజేయాలి. అకౌంట్ క్యాండిడేట్ పేరుతో గానీ, అతని ఎన్నికల ఏజెంట్లతో గాని జాయింట్‌ అకౌంట్‌గానూ తీసుకోవచ్చు. క్యాండిడేట్‌తో పాటు అతడి కుటుంబసభ్యులు కలిపి తీసుకున్న అకౌంట్‌ను అనుమతించరు.
నంబర్ ఇవ్వకపోతే నోటీసులు
క్యాండిడేట్పోటీ చేస్తున్న మున్సిపాలిటీ ఏ జిల్లా పరిధిలో ఉంటుందో ఆ జిల్లాలో ఎక్కడి నుంచైనా అకౌంట్ తెరవొచ్చు. కో ఆపరేటివ్‌ బ్యాంక్‌తో పాటు పోస్టాఫీస్‌ అకౌంట్లనూ ఇందుకు అనుమతిస్తారు. అకౌంట్ నంబర్ ఇవ్వని క్యాండిడేట్లకు సంబంధిత రిటర్నింగ్‌ అధికారి నోటీసులు జారీ చేస్తారు. కానీ ఈ కారణంతో క్యాండిడేట్నామినేషన్‌ను తిరస్కరించే అవకాశం లేదు. ఎన్నికల ఫలితాలు ప్రకటించిన 45 రోజుల తర్వాత ఖర్చుల వివరాలు సమర్పిచాలి.
క్యాష్ రూపంలో రూ.5వేల వరకే..
క్యాండిడేట్లు ఎన్నికల సమయంలో చేసే చెల్లింపుల్లో రూ.5 వేల లోపు మాత్రమే క్యాష్ రూపంలో చేయాలి. అంతకుమించి ఉంటే అకౌంట్ పే చెక్‌, డీడీ, ఆర్టీజీఎస్‌, నెఫ్ట్‌ రూపంలోనే చేయాలి. ఎవరైనా ఇలా చేయకపోతే ఆ అభ్యర్థి స్టేట్ ఎన్నికల కమిషన్చెప్పిన రూల్స్ ప్రకారం అకౌంట్ నిర్వహించలేదని భావిస్తారు.
