యాదాద్రి, వెలుగు: యాదాద్రి జిల్లా మోత్కూరు మండలం పాటిమట్లలో రైతు దినోత్సవం మీటింగ్కు వస్తే.. హాజరు వేయిస్తామంటూ ఉపాధి హామీ కూలీలను తీసుకెళ్లారు. దశాబ్ది ఉత్సవాల్లో భాగంగా అగ్రికల్చర్, కో ఆపరేటివ్ డిపార్ట్మెంట్లు కలిసి శనివారం రైతు దినోత్సవం నిర్వహించాయి.
వడ్ల కొనుగోళ్లు ఇంకా పూర్తి కాకపోవడంతో రైతులు కొందరు సెంటర్లలో ఉంటే.. మరికొందరు చేన్లు, చెలకల్లో ఉన్నారు. దీంతో మీటింగ్కు కొందరు ఉపాధి కూలీలను ఆఫీసర్లు, బీఆర్ఎస్ లీడర్లు తరలించారు. ఉపాధి పనులకు హాజరు కావాల్సిన కూలీలు మీటింగ్కు ఎందుకొచ్చారని ఆరా తీస్తే.. అసలు విషయం బయటపడింది.
