అట్లాంటా: ఫిఫా వరల్డ్ కప్ 2026లో ఢిఫెండింగ్ ఛాంపియన్ అర్జెంటీనా ఫైనల్కు దూసుకెళ్లింది. అట్లాంటా స్టేడియం వేదికగా ఉత్కంఠభరింతంగా సాగిన సెమీ-ఫైనల్లో 2-1 తేడాతో తమ చిరకాల ప్రత్యర్థి ఇంగ్లాండ్ను చిత్తు చేసింది అర్జెంటీనా. గేమ్ చివరి ఏడు నిమిషాల్లో ఎంజో ఫెర్నాండెజ్, లౌటారో మార్టినెజ్ రెండు సూపర్ గోల్స్ చేసి అర్జెంటీనాకు చారిత్రాత్మక విజయాన్ని అందించారు. తద్వారా ఫిఫా వరల్డ్ కప్లో వరుసగా రెండోసారి అర్జెంటీనా ఫైనల్కు చేరుకుంది. టైటిల్ నెలబెట్టుకునేందుకు జూలై 19న జరగనున్న ఫైనల్లో స్పెయిన్తో అమీతుమీ తేల్చుకోనుంది మెస్సీ సేన.
ఫస్టాఫ్లో హోరా హోరీ:
చిరకాల ప్రత్యర్థులు అర్జెంటీనా, ఇంగ్లాండ్ మధ్య జరిగిన సెమీ ఫైనల్ పోరు ఆద్యంతం ఉత్కంఠభరితంగా సాగింది. ఫస్టాఫ్లో ఇరు జట్లు నువ్వా నేనా అన్నట్లు తలపడ్డాయి. గోల్ కోసం రెండు జట్లు తీవ్రంగా శ్రమించాయి. కానీ ఇరు జట్ల బలమైన డిఫెన్స్ కారణంగా ఒక్క గోల్ కూడా నమోదు కాకుండా తొలి అర్థ భాగం ముగిసింది.
చివరి ఏడు నిమిషాల్లో మెస్సీ సేన మ్యాజిక్:
ఫస్టాఫ్లో ఆచీతూచీ ఆడిన ఇంగ్లాండ్ సెకండాఫ్లో పుంజుకుంది. మ్యాచ్ 55వ నిమిషంలో ఆంటోనీ గోర్డాన్ గోల్ సాధించి ఇంగ్లాండ్ను అధిక్యంలో నిలిపాడు. ఆ తర్వాత స్కోర్ ను సమం చేసేందుకు అర్జెంటీనా తీవ్రంగా పోరాడింది. ఈ క్రమంలో మ్యాచ్ 85వ నిమిషంలో స్టార్ ప్లేయర్ మెస్సీ అందించిన పాస్ను ఫెర్నాండెజ్ గోల్గా మలిచి స్కోరును సమం చేశాడు.
దీంతో మ్యాచ్ అదనపు సమయానికి దారి తీసింది. ఎక్స్ట్రా టైమ్ 90+2వ నిమిషంలో మెస్సీ అందించిన పాస్ను మార్టినేజ్ అద్భుతమైన హెడర్తో గోల్ సాధించాడు. మ్యాచ్ చివరి ఏడు నిమిషాల్లో రెండు అద్భుతమైన గోల్స్ సాధించింది తమ చిరకాల ప్రత్యర్థి ఇంగ్లాండ్ను చిత్తు చేసి అర్జెంటీనా వరుసగా రెండోసారి ఫైనల్కు దూసుకెళ్లింది.
