రాజేంద్రనగర్, వెలుగు: రాజేంద్రనగర్ మండలంలోని న్యూ ఫ్రెండ్స్ కాలనీలో ఓ ప్రైవేటు స్కూల్లో టీచర్ గా విధులు నిర్వహిస్తూన్న మహిళను ఓ యువకుడు వేధిస్తున్నాడు. కొంతకాలంగా వేధింపులకు గురి చేస్తుండడంతో తన భర్తకు విషయం తెలిపింది. దీంతో అతడిని పట్టుకునేందుకు వారం రోజుల నుంచి ప్రయత్నం చేస్తున్నాడు. అయితే బుధవారం పోలీసులతో సహాయంతో ప్లాన్ ప్రకారం స్కూల్ వద్ద కాపుకాశారు. సదరు మహిళ రోజు మాదిరిగానే స్కూల్కు వెళ్తుండగా యువకుడు వేధించసాగాడు. ఈ విషయాన్ని భర్తకు ఫోన్ ద్వారా తెలుపడంతో అతడు వచ్చి యువకుడిని పట్టుకుని రాజేంద్రనగర్ పోలీసులకు అప్పగించారు ఈవ్టీచర్ను అదుపులోకి తీసుకుని రాజేంద్రనగర్ పోలీసులు విచారిస్తున్నారు.
