హైదరాబాద్, వెలుగు : కస్తూర్బా బాలికల విద్యాలయాలు(కేజీబీవీ), అర్బన్ రెసిడెన్షియల్ స్కూల్స్ (యూఆర్ఎస్)లో ఖాళీ పోస్టుల భర్తీకి సంబంధించిన పరీక్షలను జులై 24, 25, 26 తేదీల్లో నిర్వహించనున్నట్లు స్కూల్ ఎడ్యుకేషన్ డైరెక్టర్ శ్రీ దేవసేన వెల్లడించారు. ఈ మేరకు మంగళవారం ఒక ప్రకటన విడుదల చేశారు. కేజీబీవీ, యూఆర్ఎస్లో ఉన్న1,241 పోస్టుల భర్తీకి ఇటీవలే నోటిఫికేషన్ విడుదలైంది.
ఈ పోస్టులను కాంట్రాక్టు పద్ధతిలో భర్తీ చేయనున్నారు. 854 పీజీ సీఆర్టీ, 273 సీఆర్టీ, 77 పీఈటీ, 12 ఎస్వోపోస్టులు భర్తీ చేస్తారు. రాత పరీక్ష ద్వారా ఎంపిక జరుగుతుంది. కస్తూర్బాగాంధీ బాలికల విద్యాలయాల్లో పోస్టులకు మహిళలు మాత్రమే అర్హులు. ఇప్పటికే దరఖాస్తుల స్వీకరణ మొదలైంది. జులై 5 వరకు ఆన్లైన్ ద్వారా దరఖాస్తులు స్వీకరిస్తారు.
