- గద్వాల కలెక్టర్ రిజ్వాన్ భాషా షేక్
గద్వాల, వెలుగు: గద్వాల జిల్లాలో ప్రభుత్వ సంక్షేమ పథకాలకు సంబంధించి నిర్దేశించిన రుణ లక్ష్యాలను బ్యాంకర్లు ఈ నెల 31లోపు తప్పనిసరిగా పూర్తి చేయాలని కలెక్టర్ రిజ్వాన్ భాషా షేక్ ఆదేశించారు. బుధవారం కలెక్టరేట్లో నిర్వహించిన బ్యాంకర్ల కమిటీ సమావేశంలో ఆయన మాట్లాడారు. పీఎంఎఫ్ఎంఈ రుణాల మంజూరులో వేగం పెంచాలని, గ్రామీణ ప్రాంతాల్లో ఆర్థిక అక్షరాస్యతతో పాటు బ్యాంకింగ్ అవుట్లెట్లు, ఏటీఎంల సంఖ్యను పెంచాలని సూచించారు.
అనంతరం వరి ధాన్యం కొనుగోళ్లపై సమీక్షిస్తూ, 2025-–26 యాసంగి సీజన్ కోసం జిల్లాలో 87 కొనుగోలు కేంద్రాలను ఏర్పాటు చేస్తున్నామని, పొరుగు రాష్ట్రాల నుంచి ధాన్యం రాకుండా సరిహద్దుల్లో గట్టి నిఘా ఉంచాలని అధికారులను ఆదేశించారు. మత్తు పదార్థాల నిర్మూలనకు అందరూ కలిసికట్టుగా కృషి చేయాలని కోరారు.
