ఆమనగల్లు, వెలుగు: తలకొండపల్లి మండలం దేవుని పడకల్లు గ్రామంలోని శ్రీ వెంకటేశ్వర స్వామి బ్రహ్మోత్సవాల సందర్భంగా రైతు సంబరాల పేరుతో ఆదివారం సాయంత్రం నిర్వహించిన అంతర్రాష్ట్ర బండలాగుడు పోటీలు ఉత్సాహంగా సాగాయి. ఈ పోటీల్లో ఏపీలోని వైఎస్సార్ జిల్లా పొద్దుటూరుకు చెందిన చంద్ర ఓబుల్ రెడ్డి ఎద్దుల జత విజేతగా నిలిచింది. తాడూరు మండలం యాదిరెడ్డిపల్లి గ్రామానికి చెందిన అఖిలేశ్రెడ్డి ఎద్దులు సెకండ్, వనపర్తి జిల్లా చిన్నంబావి మండలం పెద్దదగడ గ్రామానికి చెందిన గోపాలకృష్ణ ఎద్దులు థర్డ్ ప్లేస్లో నిలిచాయి.
ఫస్ట్ ప్రైజ్ కింద రూ.1,00,116, సెకండ్ ప్రైజ్ కింద రూ.75,116, థర్డ్ ప్రైజ్ కింద రూ.50,116, ఫోర్త్ ప్రైజ్ కింద రూ.30,116 నిర్వాహకులు అందజేశారు. పీఏసీఎస్ చైర్మన్ కేశవరెడ్డి, ఎంపీటీసీలు రమేశ్, రఘునాయక్, మండల కాంగ్రెస్ అధ్యక్షుడు ప్రభాకర్ రెడ్డి, దాత శ్రీనివాస్ రెడ్డి, ఆలయ చైర్మన్ రాజ్ కుమార్, మాజీ సర్పంచ్ శ్రీశైలం, ఎస్ఐ శ్రీకాంత్ పాల్గొన్నారు.
