న్యూఢిల్లీ: మన దేశ వాణిజ్య ఎగుమతులు గత సంవత్సరం అక్టోబరుతో పోలిస్తే ఈసారి అక్టోబరులో 11.8 శాతం తగ్గి 34.38 బిలియన్ డాలర్లకు చేరుకున్నాయి. ఈ ఏడాది ఆగస్టు 27న యూఎస్ సుంకాలను 50 శాతం పెంచడంతో వరుసగా రెండో నెలలోపై ఎగుమతులు మందగించాయి. పెట్రోలియం ఉత్పత్తులు, రత్నాలు, నగల రంగాలలో తగ్గుదల ఉందని క్రిసిల్రిపోర్ట్ తెలిపింది. పెట్రోలియం ఉత్పత్తులు 10.4 శాతం తగ్గాయి.
ప్రధాన ఎగుమతులు 10.2 శాతానికి పడిపోయాయి. సెప్టెంబరు 2025లో ఇవి 6.1 శాతం వృద్ధి చెందాయి. అక్టోబరులో యూఎస్ మార్కెట్లకు వాణిజ్య ఎగుమతులు 8.6 శాతం తగ్గి 6.3 బిలియన్ డాలర్లకు పరిమితమయ్యాయి. సెప్టెంబరులో ఇవి 11.9 శాతం తగ్గాయి. అమెరికాయేతర మార్కెట్లకు ఎగుమతులు గత సంవత్సరం ఇదే కాలంతో పోలిస్తే 12.5 శాతం తగ్గాయి. సెప్టెంబరులో 10.9 శాతం వృద్ధి ఉందని క్రిసిల్ తెలిపింది.
