అల్వాల్, వెలుగు: యాంటీ కరప్షన్ కమిటీగా చెలామణి అవుతూ వసూళ్లకు పాల్పడుతున్న ఓ ముఠాను అల్వాల్ పోలీసులు అరెస్ట్ చేశారు. బొల్లారం- – కొంపల్లి మార్గంలో సోమవారం రాత్రి అల్వాల్ పోలీసులు వాహనాల తనిఖీ చేస్తున్నారు. ఓ ఇన్నోవా వాహనం ముందు భాగంలో యాంటీ కరప్షన్ కమిటీ అని రాసి ఉంది. దీంతో పోలీసులు ఆ వాహనాన్ని ఆపి ప్రశ్నించగా డ్రైవింగ్ చేస్తున్న వ్యక్తి కారులో యాంటి కరప్షన్ ఆఫీసర్ ఉన్నట్లు చెప్పాడు.
అందులో ఉన్న ఐదుగురి ప్రవర్తన అనుమానాస్పదంగా కనిపించడంతో పోలీసులు విచారించారు. సికింద్రాబాద్ డివిజన్ యాంటీ కరప్షన్ కమిటీ ఇన్చార్జిగా పనిచేస్తున్నట్లు వివరించారు. అయితే.. ఆఫీసర్గా చెప్పుకున్న వ్యక్తికి డ్రంకెన్ డ్రైవ్ టెస్తు చేయగా మద్యం సేవించినట్లు గుర్తించారు. యాంటీ కరప్షన్ కమిటీ అంటూ ఏమీ లేదని పోలీసులు నిర్ధారణకు రావడంతో నిందితులు కారును వదిలి పారిపోయారు. కారులో ఫేక్ ఐడీ కార్డులు దొరికాయి. సదరు వ్యక్తులు యాంటీ కరప్షన్ కమిటీ పేరుతో బలవంతపు వసూళ్లకు పాల్పడుతున్నట్లు పోలీసులు నిర్ధారణకు వచ్చారు. పరారీలో ఉన్న నిందితుల కోసం గాలిస్తున్నారు.
