శాయంపేట, వెలుగు: గ్రీన్ఫీల్డ్హైవేకు సంబంధించిన రోడ్డు పనులు జరగాలంటే ముందుగా గవర్నమెంట్చెప్పిన రేట్ప్రకారం తమ బ్యాంకు ఖాతాల్లో పైసలు పడ్డాకే పనులు మొదలు పెట్టాలని, అప్పటి వరకు ఆఫీసర్లు ట్రెంచ్పనులు మొదలు పెట్టవద్దని రైతులు పనులను అడ్డుకున్నారు. హనుమకొండ జిల్లా శాయంపేట మండలం గట్లకానిపర్తిలో గ్రీన్ఫీల్డ్కు సంబంధించిన రోడ్డు పనులను శుక్రవారం అధికారులు ప్రారంభించారు. విషయం తెలుసుకున్న రైతులు తమ పరిహారం డబ్బులు జమకాకుండా పనులు ఎలా మొదలు పెడతారని పనులను అడ్డుకున్నారు.
పరకాల ఆర్డీవో నారాయణ, శాయంపేట సీఐ రంజిత్రావు, ఎస్సైలు పరమేశ్‌, కొంక అశోక్ అక్కడికి చేరుకుని రైతులకు సర్ధి చెప్పే ప్రయత్నం చేశారు. పరిహారంలో చెల్లింపులో భాగంగా ఆర్డీవో నారాయణ చేతుల్లో ఉన్న అడ్వాన్స్ను పేమెంట్చేశామని, మిగిలిన అమౌంట్ను పూర్తి మొత్తం పరిహారం చెల్లించాల్సి ఉంటుందన్నారు. అయితే మిగలిన రైతుల పేమెంట్ సైతం సోమవారంలోగా వాళ్ల బ్యాంకు అకౌంట్లో జమ అవుతాయని చెప్పారు. అనంతరం పనులు ప్రారంభించారు.
