- అన్లోడ్ సమస్యతో తిరిగిరాని లారీలు
- కొనుగోళ్లు నిలిచిపోయి వానకు తడిసిన ధాన్యం
- మొలకలు రావడంతో యాదాద్రి కలెక్టరేట్ఎదుట ఆందోళన
యాదాద్రి, వెలుగు : వడ్లను కొనాలని డిమాండ్చేస్తూ యాదాద్రి జిల్లా ఆకుబావి తోట తండా రైతులు జిల్లా కలెక్టరేట్ఎదుట మంగళవారం ఆందోళన నిర్వహించారు. అన్లోడ్సమస్య కారణంగా మిర్యాలగూడకు వెళ్లిన లారీలు తిరిగి రాకపోవడంతో వడ్ల కొనుగోళ్లు నిలిచిపోయాయి. రెండు రోజుల క్రితం వర్షం రావడంతో కొనుగోలు సెంటర్లో ఉన్న వడ్లు తడిచిపోయి..మొలకలు వచ్చాయి.
దీంతో ఆందోళన చెందిన రైతులు మొలకలు వచ్చిన వడ్లను బస్తాల్లో తీసుకొని కలెక్టరేట్కు వచ్చి ఆందోళన చేశారు. పోలీసులు సర్దిచెప్పినా వినకపోవడంతో సివిల్ సప్లయీస్ డీఎం గోపీకృష్ణ అక్కడికి వచ్చి రైతులతో మాట్లాడారు. వడ్లు అన్లోడ్ కాకపోవడం వల్ల వెళ్లిన లారీలు రాలేదని నచ్చజెప్పారు. ఇతర ప్రాంతాల నుంచి లారీలు తెప్పించి కొనుగోళ్లు వేగవంతం చేస్తామని హామీ ఇచ్చారు. రెండు రోజుల్లో సమస్య పరిష్కరిస్తామని చెప్పడంతో ఆందోళన విరమించారు.
