- కరీంనగర్ కలెక్టర్ ఆర్వీ కర్ణన్
కరీంనగర్టౌన్, వెలుగు: రైతులు ప్రణాళికబద్ధంగా పంటలు వేసుకొని లాభాలు పొందాలని కరీంనగర్కలెక్టర్ ఆర్వీ కర్ణన్ సూచించారు. సోమవారం స్థానిక జడ్పీ హాల్లో నిర్వహించిన ఉత్తర తెలంగాణ జోనల్ స్థాయి పరిశోధన, విస్తరణ సలహా సంఘ సమావేశంలో ఆయన పాల్గొని మాట్లాడారు. పంటలపై శాస్త్రవేత్తల కంటే రైతులకే బాగా తెలుసని చెప్పారు. కాళేశ్వరం ప్రాజెక్టుతో సాగు విస్తీర్ణం పెరిగిందని ప్రత్యామ్నాయ పంటలపై ఫోకస్పెట్టి, గిట్టుబాటు ధర, మార్కెట్లో డిమాండ్ ఉన్న పంటలు వేస్తే లాభాలు పొందొచ్చని చెప్పారు. ప్రొఫెసర్ జయశంకర్ వర్సిటీ పరిశోధన విభాగం డైరెక్టర్ ప్రొ. జగదీశ్వర్ మాట్లాడుతూ కాలానుగుణంగా పంటలు సాగు చేసుకోవాలని సూచించారు. పంట మార్పిడితో భూసారం పెరుగుతుందని చెప్పారు. వ్యవసాయ పరిశోధన జగిత్యాల అసోసియేట్ డైరెక్టర్ డా. ఉమాదేవి వ్యవసాయ పరిశోధనలో సాధించిన ప్రగతిని పీపీపీ ద్వారా వివరించారు.
