ఆర్మూర్, వెలుగు : ఆర్మూర్ లో మంగళవారం జెండా బాలాజీ జాతర ఘనంగా జరిగింది. ఉదయం నుంచి భక్తులు పెద్ద సంఖ్యలో దర్శించుకున్నారు. టౌన్ లోని కింది బజార్ బాలాజీ మందిరంలో ప్రతిష్ఠించిన జెండాకు శరన్నవరాత్రుల పూజలు జరిగాయి.
సర్వసమాజ్ కమిటీ, ఆలయ కమిటీ ఆధ్వర్యంలో జెండానుశోభాయాత్రగా దోభీఘాట్ మీదుగా తీసుకువెళ్లి అంకాపూర్ గ్రామస్తులకు అప్పగించారు. ఇక్కడ ప్రతిష్ఠించిన జెండాను చాలా ఏండ్ల నుంచి తిరుమల తిరుపతికి తీసుకెళ్తున్నారు. అంతకుముందు ఎమ్మెల్యే పైడి రాకేశ్రెడ్డి, ఈఆర్ ఫౌండేషన్ చైర్మన్ ఈరవత్రి రాజశేఖర్ వేర్వేరుగా పూజలు చేశారు.
