- జూరాల వద్ద ఎనిమిది గేట్లు ఓపెన్‌
- 568 అడుగులకు చేరుకున్న సాగర్‌
గద్వాల, వెలుగు : జూరాల, నాగార్జునసాగర్ రిజర్వాయర్లకు వరద ప్రవాహం కొనసాగుతోంది. జూరాలకు 72 వేల క్యూసెక్కుల ఇన్‌‌ఫ్లో వస్తుండడంతో 8 గేట్లు ఓపెన్‌ చేసి నీటిని విడుదల చేస్తున్నారు. జూరాల గేట్ల ద్వారా 31,528 క్యూసెక్కులు వదులుతుండగా.. విద్యుత్‌ ఉత్పత్తి ద్వారా 32,756, నెట్టెంపాడు లిఫ్ట్‌‌కు 750, కోయిల్‌ సాగర్‌ లిఫ్ట్‌‌కు 315, లెఫ్ట్‌ కెనాల్‌‌కు 1,250, రైట్‌ కెనాల్‌‌కు 650, ఆర్డీఎస్‌ లింక్‌ కెనాల్‌‌కు 150, సమాంతర కాల్వకు 700, బీమా లిఫ్ట్‌ 2కు 750 కలిపి మొత్తం 68,016 క్యూసెక్కుల నీటిని వదులుతున్నారు.
568 అడుగులకు సాగర్‌
హాలియా, వెలుగు : నాగార్జునసాగర్ ప్రాజెక్ట్‌ నీటిమట్టం క్రమంగా పెరుగుతోంది. శ్రీశైలం కుడి, ఎడమ విద్యుత్‌ ఉత్పత్తి కేంద్రాల ద్వారా 67,551 క్యూసెక్కుల నీరు సాగర్‌‌కు వస్తోంది. నాగార్జునసాగర్ రిజర్వాయర్‌ గరిష్ట నీటి మట్టం 590 అడుగులు (312.040 టీఎంసీలు) కాగా.. ప్రస్తుతం 568 అడుగుల (252.3094 టీఎంసీలు) నీరు చేరింది. సాగర్‌ నుంచి ఎడమకాల్వకు 2,818 క్యూసెక్కులు, ఏఎమ్మార్పీకి 1,800 క్యూసెక్కులు కలిపి మొత్తం 4,618 క్యూసెక్కుల నీటిని విడుదల చేస్తున్నారు.
