- పెట్రో ప్రొడక్ట్స్ రేట్లు తగ్గాలి
- దీనిపై కేంద్రం, రాష్ట్రాలు మాట్లాడుకోవాలి: ఆర్థిక మంత్రి
- మరికొన్నేళ్లు స్టిమ్యులస్ ఇస్తాం
- ప్రైవేటు పెట్టుబడులు పెరగాలి
- ఇన్వెస్టర్లు ముందుకు రావాలి
న్యూఢిల్లీ: మనదేశంలో వరుసగా 12వ రోజు కూడా పెట్రో ప్రొడక్టుల రేట్లు పెరగడంపై కేంద్ర ఆర్థిక మంత్రి నిర్మలా సీతారామన్ మాట్లాడారు. ఇది కచ్చితంగా ఇబ్బందికరమైన సమస్యే అని, ధరలు తగ్గితేనే ఉపశమనం దొరుకుతుందని అన్నారు. ధరలు న్యాయంగా ఉండేలా చూడటానికి కేంద్రం, రాష్ట్ర ప్రభుత్వాలు మాట్లాడుకోవాలని కామెంట్ చేశారు. ఢిల్లీలో శనివారం జరిగిన ఆలిండియా మేనేజ్మెంట్ అసోసియేషన్ (ఏఐఎంఏ) సమావేశంలో మాట్లాడుతూ ఆమె పైవిధంగా అన్నారు. పెట్రోల్పై 60 శాతం, డీజిల్పై 54 శాతం కేంద్రం, రాష్ట్రాల పన్నులు ఉండటంతో రేట్లు చుక్కలనంటుతున్నాయి. అయినప్పటికీ శనివారం కూడా లీటరు పెట్రోల్పై 39 పైసల చొప్పున, డీజిల్పై 37 పైసల చొప్పున పెంచాయి. 2017 నుంచి పెట్రో రేట్లను రోజువారీగా మార్చుతున్నారు. అయితే ఇంత భారీగా పెంచడం మాత్రం ఇదే తొలిసారి. ఫలితంగా ముంబైలో లీటరు పెట్రోల్ ధర శనివారం రూ.97కు చేరింది. డీజిల్లీటరు ధర రూ.88 అయింది. ఢిల్లీలో వీటి ధరలు వరుసగా రూ.90.58, రూ.80.97లకు చేరాయి.కొన్ని రాష్ట్రాల్లో లీటరు పెట్రోల్ ధర ఇది వరకే రూ.100 దాటింది.
మీ దమ్మేంటో చూపండి!
ఇండియాను ‘అత్యంత వేగంగా ఎదుగుతున్న ఎకానమీ’గా మార్చడానికి శాయశక్తులా కృషి చేయాలని ఇండస్ట్రియల్ సెక్టార్ను ఈ సందర్భంగా ఆమె కోరారు. పెట్టుబడులు పెట్టడానికి ఇండస్ట్రియలిస్టులు ధైర్యంగా ముందుకు రావాలని పిలుపునిచ్చారు. ఇందుకోసం తమ ప్రభుత్వం ఎన్నో నిర్ణయాలు తీసుకుందని, కార్పొరేట్ ట్యాక్స్తగ్గించడం ఇందులో ఒకటని ఆమె వివరించారు. ‘‘ఇండియాలో ప్రైవేటు కంపెనీలు భారీ ఎత్తున ఇన్వెస్ట్ చేస్తున్నాయి. మనదేశం ఫాస్టెస్ట్ గ్రోయింగ్ ఎకానమీగా ఎదుగుతుందన్న నమ్మకం ప్రైవేటు వాళ్లకు ఉంది. మనం మన సత్తాను మరింత పెంచుకోవాలి. విస్తరణ తప్పనిసరి. ప్రొడక్షన్ను బాగా పెంచాలి. ఫలితంగా ఎకానమీ మరింత చురుగ్గా కదులుతుంది. కార్పొరేట్ ట్యాక్స్ తగ్గింపు వల్ల మరిన్ని ప్రైవేటు ఇన్వెస్ట్మెంట్లు కచ్చితంగా వస్తాయి. ప్రభుత్వ పాలసీలు, ట్యాక్సేషన్, ఇన్ఫ్రాస్ట్రక్చర్ క్యాపిటల్ ఎక్స్పెండిచర్, ప్రైవేటైజేషన్ గురించి బడ్జెట్లో పూర్తి వివరాలు ఇచ్చాం. ఇన్వెస్ట్మెంట్ చేయడానికి ప్రైవేటుసెక్టారుకు అపారమైన అవకాశాలు ఉన్నాయి. ఎకానమీ రికవరీ కోసం ఇక నుంచి కూడా స్టిమ్యులస్ ప్యాకేజీ ఇస్తాం. ఇది కొన్నేళ్లపాటు ఉంటుంది”అని ఆమె వివరించారు.
పీఎస్యూలను మరింత బాగా నడుపుతాం…
డిజిన్వెస్ట్మెంట్ గురించి మాట్లాడుతూ ఎకానమీని మరింత డెవలప్ చేయడానికి ప్రభుత్వరంగ సంస్థల వాటాలను అమ్మాలని నిర్ణయించుకున్నామని మంత్రి నిర్మల చెప్పారు. ట్యాక్స్పేయర్ల డబ్బును చాలా జాగ్రత్తగా ఖర్చు చేస్తామని చెప్పారు. ‘‘పెట్టుబడులను వెనక్కి తీసుకోవడం అంటే పబ్లిక్ సెక్టార్ యూనిట్లను (పీఎస్యూలను) మూసేయడం కాదు. వాటిని మరింత బాగా నడిపించాలన్నదే మా ప్రయత్నం. స్టీల్, రాగి, బొగ్గు వంటి వాటికి చాలా డిమాండ్ ఉంది. పీఎస్యూలు మరింత సమర్థంగా పనిచేయాలి. డిమాండ్ను అందుకోవాలి. ఇన్ఫ్రాకు ఫండ్స్ పెంచడం వల్ల అన్ని ఇండస్ట్రీలూ బాగుపడతాయి. రాబోయే పదేళ్లలో మరింత గ్రోత్ సాధ్యమవుతుంది” అని నిర్మలా సీతారామన్ వివరించారు.
For More News..
