గచ్చిబౌలి, వెలుగు : హైదరాబాద్ సెంట్రల్ యూనివర్సిటీలో ఫుడ్ పాయిజన్ జరిగింది. గురువారం రాత్రి భోజనం చేసిన 40 మంది విద్యార్థులు అస్వస్థతకు గురయ్యారు. ప్రస్తుతం విద్యార్థులందరికీ వర్సిటీలోని హెల్త్ సెంటర్లో ట్రీట్మెంట్ చేస్తున్నారు. గురువారం రాత్రి వర్సిటీలో ఉన్న మెన్స్ హాస్టల్ ఈ, ఎమ్ లో విద్యార్థులు అన్నం, పప్పుతో భోజనం చేశారు. శుక్రవారం ఉదయం నుంచి ఒక్కొక్కరుగా కడుపునొప్పి, వాంతులు, విరేచనాలతో 40 మంది అస్వస్థతకు గురయ్యారు. దీంతో వారిని వర్సిటీ హెల్త్ సెంటర్లో జాయిన్ చేశారు.
ప్రస్తుతం విద్యార్థులు కోలుకుంటున్నారని, ఎవరికీ ప్రాణాపాయం లేదని అధికారులు తెలిపారు. వర్సిటీ వైస్ఛాన్స్లర్, రిజిస్ట్రార్ ఫుడ్ పాయిజన్పై ఆరా తీశారు. ఘటనపై విద్యార్థి సంఘాలు మండిపడ్డాయి. వర్సిటీకి వెంటనే పర్మినెంట్ న్యూట్రీషన్అఫీసర్ను నియమించాలని, క్రమం తప్పకుండా ఆహార తనిఖీలు నిర్వహించాలని డిమాండ్ చేశాయి.
