న్యూఢిల్లీ: ఫోర్బ్స్ తాజాగా ప్రకటించిన గ్లోబల్ 2000 కంపెనీల జాబితాలో రిలయన్స్ ఇండస్ట్రీస్ లిమిటెడ్ 45 వ ప్లేస్ దక్కించుకుంది. అంతకు ముందుతో పోలిస్తే ఈ కంపెనీ 8 ర్యాంకులు ఎగబాకింది. ఒక ఇండియన్ కంపెనీకి ఇప్పటిదాకా ఫోర్బ్స్గ్లోబల్ 2000 లిస్టులో వచ్చిన హయ్యస్ట్ ర్యాంక్ నలభై అయిదే. ప్రపంచంలోని లిస్టెడ్ కంపెనీలను మాత్రమే ఈ జాబితాలో పరిగణనలోకి తీసుకుంటారు. సేల్స్, ప్రాఫిట్స్, ఎసెట్స్, మార్కెట్ వాల్యూ అనే నాలుగు మెట్రిక్స్ ఆధారంగా గ్లోబల్ 2000 లిస్టును ఫోర్బ్స్ ప్రకటిస్తుంది. 3.7 ట్రిలియన్ డాలర్ల ఎసెట్స్తో అమెరికాలోనే పెద్ద బ్యాంకయిన జేపీ మోర్గాన్ ఫోర్బ్స్ గ్లోబల్2000 జాబితాలో టాప్ప్లేస్లో నిలిచింది.
2011 నుంచి చూస్తే జేపీ మోర్గాన్ ఇలా టాప్ప్లేస్కి చేరడం ఇదే మొదటిసారి. కిందటేడాది టాప్లో నిలిచిన వారెన్ బఫెట్ కంపెనీ బెర్క్షైర్ హాథవే ఈసారి 338 వ ర్యాంకుకు పడిపోయింది. ఇన్వెస్ట్మెంట్ పోర్ట్ఫోలియోలోని అన్రియలైజ్డ్ లాసెస్ వల్లే ఈ కంపెనీ తన ర్యాంకును పోగొట్టుకున్నట్లు ఫోర్బ్స్ తెలిపింది. సౌదీ అరేబియా ఆయిల్ కంపెనీ ఆరామ్కో 2 వ ర్యాంకును పొందగా, ఆ తర్వాత మూడు ప్లేస్లలోనూ చైనా ప్రభుత్వ బ్యాంకులు నిలిచాయి. టెక్నాలజీ కంపెనీలు ఆల్ఫాబెట్7 వ ప్లేస్లోను, యాపిల్ 10 వ ప్లేస్లోనూ తాజా ఫోర్బ్స్గ్లోబల్2000 లిస్టులో నిలిచాయి. ఆయిల్ నుంచి టెలికం దాకా తన కార్యకలాపాలను విస్తరించుకున్న రిలయన్స్ ఇండస్ట్రీస్ లిమిటెడ్ 45 వ ప్లేస్లో నిలిచింది. ఈ కంపెనీ సేల్స్ 109.43 బిలియన్ డాలర్లయితే, ప్రాఫిట్స్ 8.3 బిలియన్ డాలర్లు. అంతకు ముందు ఏడాదితో పోలిస్తే రిలయన్స్ 8 ర్యాంకులు పైకి ఎగబాకింది.
జర్మనీ కంపెనీ బీఎండబ్ల్యూ గ్రూప్, స్విట్జర్లాండ్ కంపెనీ నెస్లే, చైనా కంపెనీ అలీబాబా, అమెరికా కంపెనీ ప్రోక్టర్ అండ్ గ్యాంబుల్, జపాన్ కంపెనీ సోనీల కంటే రిలయన్స్ఇండస్ట్రీస్ ముందు నిలిచిందని ఫోర్బ్స్ వెల్లడించింది. మన దేశం నుంచి ఎస్బీఐ 77 వ ప్లేస్, హెచ్డీఎఫ్సీ బ్యాంక్128 వ ప్లేస్, ఐసీఐసీఐ బ్యాంక్ 163 వ ప్లేస్ పొందాయని పేర్కొంది. ఓఎన్జీసీ, హెచ్డీఎఫ్సీ, ఎల్ఐసీ, టీసీఎస్, యాక్సిస్ బ్యాంక్, ఎన్టీపీసీ, ఎల్ అండ్ టీ, భారతి ఎయిర్టెల్, కోటక్ మహీంద్రా బ్యాంక్, ఐఓసీ, ఇన్ఫోసిస్, బీఓబీ, కోల్ ఇండియా, టాటా స్టీల్, హిందాల్కో, వేదాంత వంటి కంపెనీలు తాజా లిస్టులో ర్యాంకులు సాధించాయని ఫోర్బ్స్ తెలిపింది.