గన్నేరువరం, వెలుగు: పశువైద్యశాలలో గొర్రెలు, మేకలకు వచ్చే సీజనల్ వ్యాధులకు మందులు అందుబాటులో ఉండడం లేదని, ఇన్‌‌‌‌చార్జి డాక్టర్ టైంకు రావడం లేదని ఆరోపిస్తూ శుక్రవారం యాదవులు, గొర్రెల కాపర్లు నిరసన చేపట్టారు.
ఈ సందర్భంగా వారు మాట్లాడుతూ మండల కేంద్రంలో పశు వైద్యశాల ఉన్నప్పటికీ జూన్‌‌‌‌లో మందులు పంపిణీ చేయాల్సి ఉండగా ఇంతవరకు ఇవ్వలేదన్నారు. పర్మినెంట్ డాక్టర్ అందుబాటులో లేక జీవాలు రోగాల బారిన పడి చనిపోతున్నాయని ఆవేదన వ్యక్తం చేశారు. కార్యక్రమంలో యాదవ సంఘ నాయకులు ప్రశాంత్ యాదవ్, ఎల్లయ్య, బాలయ్య, రాములు, శ్రీనివాస్, నాగరాజు పాల్గొన్నారు.
