వానల కోసం కరీంనగర్ లో కప్పల పెళ్లి చేశారు జనం. మానకొండూరు మండలం శ్రీనివాస నగర్ గ్రామంలో సకాలంలో వర్షాలు పడాలని కప్పలకు పెళ్లిళ్లు చేశారు. వాన కాలం ప్రారంభమై 15 రోజులు గడుస్తున్నా… వర్షాలు పడకపోవటంతో… ఈ కార్యక్రమం నిర్వహించారు. గ్రామస్తులంతా కప్పలను కర్రలకు కట్టి ఊరిలో ఇంటింటికి తిరిగారు. మహిళలను బిందెలతో నీళ్లు తెచ్చి కప్పలపై పోసి వరుణ దేవుడిని వేడుకున్నారు. ఇప్పటికే సాగుతో పాటు తాగు నీరు దొరక్క కష్టాలు పడుతున్నామంటున్నారు గ్రామస్తులు.
