- మాజీ ఎమ్మెల్యే పర్సనల్ సెక్రెటరీకి సమాచారమిచ్చాం
- మళ్లీ తీసుకువచ్చి పెట్టాలన్నాం
- డీఈ సురేంద్ర కుమార్
నకిరేకల్, (వెలుగు) : నల్గొండ జిల్లా నకిరేకల్ లోని ఎమ్మెల్యే క్యాంపు ఆఫీసులో రూ. 15 లక్షల విలువైన ఫర్నిచర్ మాయమైందని ఆర్అండ్ బీ డీఈ సురేందర్ కుమార్ తెలిపారు. బుధవారం ఆయన పట్టణంలోని క్యాంపు ఆఫీసును సిబ్బందితో కలిసి పరిశీలించారు. ఈ సందర్భంగా మాట్లాడుతూ ఎమ్మెల్యే క్యాంపు ఆఫీసుకు రూ.17 లక్షలతో ఫర్నిచర్ కొన్నామని, ప్రస్తుతం ఆఫీసులో రెండు టేబుల్స్, ఒక బెడ్ మాత్రమే ఉందన్నారు.
ఫర్నిచర్ మాయం కావడంతో మాజీ ఎమ్మెల్యే చిరుమర్తి లింగయ్య పర్సనల్ సెక్రెటరీకి సమాచారం ఇచ్చామని, ఫర్నిచర్ను యథావిధిగా క్యాంపు ఆఫీసులో ఉంచాలని కోరినట్లు తెలిపారు. లేకపోతే చర్యలు తీసుకుంటామని చెప్పామన్నారు. నకిరేకల్ ఎంపీపీ బచ్చుపల్లి శ్రీదేవి పాల్గొన్నారు.
