మల్కాజిగిరి, వెలుగు: దేశ భవిష్యత్ తరాలకు రాజ్యాంగ నిర్మాతగా.. సామాజిక న్యాయం కోసం బీఆర్ అంబేద్కర్ చేసిన కృషి, త్యాగం చిరస్మరణీయమని అసెంబ్లీ స్పీకర్ గడ్డం ప్రసాద్కుమార్ కొనియాడారు. అంబేద్కర్, జగ్జీవన్రామ్విగ్రహాలను ప్రతిష్టించడమంటే.. వారి అత్యున్నత ఆశయాలను భవిష్యత్ తరాలకు తెలియపర్చడమేనని పేర్కొన్నారు.
మల్లాపూర్ ఎలిఫెంటా సర్కిల్, కాప్రా సర్కిల్ లో అరుంధతి సంక్షేమ సంఘం ఆధ్వర్యంలో ఏర్పాటు చేసిన విగ్రహాలను ఆదివారం ఆవిష్కరించి మాట్లాడారు. కార్యక్రమంలో ఉప్పల్ఎమ్మెల్యే బండారి లక్ష్మారెడ్డి, మాజీ ఎమ్మెల్యే సుభాష్ రెడ్డి, హెచ్బీ కాలనీ కార్పొరేటర్ ప్రభుదాస్, మాజీ కార్పొరేటర్లు కొత్త రామారావు, శ్రీనివాస్ రెడ్డి, గొల్లూరి అంజయ్య, ఎమ్మార్పీఎస్ నేతలు పాల్గొన్నారు.
