నలందా విశ్వవిద్యాలయం బ్యాక్‌డ్రాప్‌లో వస్తున్న చిత్రం ‘గేమ్ ఆఫ్‌ చేంజ్‌’.జాతీయ, అంతర్జాతీయ నటీనటులతో మలయాళ దర్శకుడు సిధిన్‌ దర్శకత్వంలో సిద్ధార్థ్‌ రాజశేఖర్‌, మీనా చాబ్రియా ఈ చిత్రాన్ని నిర్మించారు. త్వరలో సినిమా విడుదల కాబోతోంది.
ఈ నేపథ్యంలో ఏర్పాటుచేసిన ప్రెస్ మీట్‌లో హీరో, నిర్మాత సిద్ధార్థ్‌ రాజశేఖర్‌ మాట్లాడుతూ ‘ఒక శక్తివంతమైన జీవన విధానాన్ని తీర్చిదిద్దే అస్త్రం ఈ సినిమా. నలందా విశ్వవిద్యాలయ నేపథ్యంలో జరిగిన కొన్ని నిజ జీవితాల కథనాలతో దీన్ని రూపొందించాం.
కష్టాన్ని ఎదుర్కొన్నప్పుడే మనం జీవితంలో ఎదుగుతామని, జీవితంలో ఏదైనా సాధించాలనే పట్టుదలను, స్ఫూర్తిని ఈ చిత్రం నింపుతుంది’అని అన్నారు. మరో నిర్మాత మీనా చాబ్రియా మాట్లాడుతూ ‘ఫస్ట్ కమ్యూనిటీ బేస్డ్ మూవీ ఇది. నాలుగు భాషల్లో విడుదల చేయబోతున్నాం. చిన్న వాళ్ల నుంచి పెద్ద వాళ్ల వరకూ అందరికీ నచ్చేలా ఉంటుంది’ అని తెలిపారు.
