బషీర్బాగ్, వెలుగు: గంజాయి విక్రయిస్తున్న దంపతులను పోలీసులు అరెస్ట్చేశారు. వివరాల్లోకి వెళ్తే.. నాంపల్లి ఎక్సైజ్ స్టేషన్ పరిధి ఆదర్శ్ నగర్ హిల్ ఫోర్ట్ ఈఎస్ఐసీ కార్యాలయం సమీపంలో గంజాయి విక్రయిస్తున్నట్లు ఎక్సైజ్పోలీసులకు మంగళవారం సమాచారం వచ్చింది. ఎస్టీఎఫ్ఏ టీం లీడర్ అంజి రెడ్డి ఆధ్వర్యంలో వారు రైడ్ చేశారు. గంజాయి విక్రయిస్తున్న మంజుల–ముకేశ్ దంపతులను అదుపులోకి తీసుకున్నారు.
వారి వద్ద నుంచి 2.1 కేజీల గంజాయి , ఒక టూ వీలర్ స్వాధీనం చేసుకున్నారు. కొంతకాలంగా వైజాగ్, ఒడిశా ప్రాంతాల నుంచి గంజాయిని తీసుకొస్తూ నగరంలో విక్రయిస్తున్నట్లు గుర్తించారు. వీరికి సహకరిస్తున్న దేవరాజ్, దేవా, షేక్ ఖాలీద్, అమన్ పై కేసు నమోదు చేసినట్లు పోలీసులు పేర్కొన్నారు.
గంజాయి చాక్లెట్లు పట్టివేత
పద్మారావునగర్: సికింద్రాబాద్‌ రైల్వే స్టేషన్‌‌లో ప్రత్యేక టాస్క్ ఫోర్స్ పోలీసులు గంజాయి చాక్లెట్లను పట్టుకున్నారు. వివరాల్లోకి వెళ్తే.. ఎస్ టీఎఫ్‌‌‌‌సీఐ నాగరాజు మంగళవారం తన సిబ్బందితో కలిసి రైల్వే స్టేషన్ లో తనిఖీలు నిర్వహించారు.
ప్లాట్‌‌ఫాం నంబర్10 వద్ద అనుమానాస్పదంగా ఉన్న ఒక సంచిని గుర్తించి, ఓపెన్చేయగా.. 1.600 కేజీల గంజాయి చాక్లెట్లు లభ్యమయ్యాయి. వాటిని తీసుకొచ్చిన వ్యక్తి పోలీసులను చూసి పరారయ్యాడు. చాక్లెట్లను సికింద్రాబాద్‌ ఎక్సైజ్ స్టేషన్‌‌లో అప్పగించామని, చాక్లెట్ల రూపంలో గంజాయి తరలిస్తున్న ముఠాలపై ప్రత్యేక దృష్టి సారించినట్లు ఎస్టీఎఫ్పోలీసులు పేర్కొన్నారు.
