- కంటోన్మెంట్ ఎమ్మెల్యే శ్రీగణేశ్ రిక్వెస్ట్
- సర్వీస్ రోడ్లను 140 మీటర్లకు పరిమితం చేయాలి: ఎంపీ ఈటల
కంటోన్మెంట్, వెలుగు: సికింద్రాబాద్ కంటోన్మెంట్ బోర్డు సెమినార్హాల్లో శనివారం సర్వసభ్య సమావేశం జరిగింది. బోర్డు అధ్యకుడు బ్రిగేడియర్ ప్రశాంత్బాజ్పాయ్, సీఈఓ మధుకర్నాయక్ ఏజెండా ప్రవేశపెట్టగా, ఎంపీఈటల రాజేందర్, ఎమ్మెల్యే శ్రీగణేశ్, బోర్డు నామినేటెడ్ సభ్యుడు రామకృష్ణ పలు అంశాలపై చర్చించారు. ఎమ్మెల్యే శ్రీగణేష్ మాట్లాడుతూ.. రెండున్నరేళ్లుగా ఎన్నికలు లేకపోవడంతో పరిపాలన అస్తవ్యస్తంగా మారిందని, ప్రత్యేక అనుమతి తీసుకుని సికింద్రాబాద్కంటోన్మెంట్బోర్డుకు ఎన్నికలు నిర్వహించాలని కోరారు. రాష్ట్ర ప్రభుత్వం క్రీడలకు పెద్దపీట వేస్తోందని, కంటోన్మెంట్ఏరియాలో స్పోర్ట్స్కాంప్లెక్స్నిర్మాణానికి స్థలం కేటాయిస్తే ప్రభుత్వం నుంచి నిధులు తెస్తానని చెప్పారు.
ప్యారడైజ్ నుంచి శామీర్పేట వరకు నిర్మిస్తున్న ఎలివేటెడ్ కారిడార్ ప్లాన్ను హెచ్ఎండీఏ అధికారులు వివరించారు. ఎలివేటెడ్ కారిడార్ లో భాగంగా సర్వీస్రోడ్లను 200 మీటర్ల వరకు విస్తరించాలని నిర్ణయించారని, స్థానికులు చాలా మంది నష్టపోతున్నారని, సర్వీస్రోడ్ల విస్తరణను120 నుంచి 140 మీటర్లకు పరిమితం చేయాలని ఎంపీ ఈటల రాజేందర్ కోరారు. భవిష్యత్ను దృష్టిలో పెట్టుకుని సర్వీస్రోడ్లను విస్తరిస్తున్నామని హెచ్ఎండీఏ అధికారులు వివరణ ఇచ్చారు.
డిఫెన్స్, ప్రభుత్వ స్థలాలు ఉన్నచోట సర్వీస్రోడ్లను 200 మీటర్ల వరకు విస్తరించాలని, అవసరమైతే వాహనాల పార్కింగ్ఏర్పాటు చేయాలని, మిగిలిన ప్రాంతాల్లో 140 మీటర్లకు పరిమితం చేయాలని ఎంపీ ఈటల రాజేందర్కోరారు. బోర్డు పరిధిలో ఎన్నో ఏండ్లుగా గుడిసెలు వేసుకుని ఉంటున్నవారికి పట్టాలు ఇవ్వాలని రిక్వెస్ట్చేశారు. బిల్డింగ్ రెగ్యులరైజేషన్ స్కీంలో నిబంధనలు సడలించాలన్నారు. నామినేటెడ్సభ్యుడు రామకృష్ణ మాట్లాడుతూ బోర్డు పరిధిలోని లీజు భవనాల నుంచి ట్యాక్స్వసూలుకు చర్యలు తీసుకోవాలని కోరారు. స్థలాలను రక్షించాలన్నారు. కంటోన్మెంట్ ప్రాంతాన్ని జీహెచ్ఎంసీలో విలీనం చేయడాన్ని చాలా మంది వ్యతిరేకిస్తున్నారన్నారు.
