నాగశౌర్య హీరో(Nagashaurya) గా వచ్చిన ‘రంగబలి’ సినిమాతో టాలీవుడ్కి మరో కొత్త హీరోయిన్ పరిచయమైంది. ఉత్తరాదికి చెందిన యుక్తి తరేజా(YuktiThareja) చిన్ననాటి నుంచి నటనపై ఇష్టం పెంచుకుంది. అనుకున్నట్టుగానే మోడలింగ్ చేసి హీరోయిన్గా ఎంట్రీ ఇచ్చింది.
గతేడాది ఇమ్రాన్ హష్మీ(Emraan Hashmi) తో కలిసి చేసిన ‘లుట్ గయే’ సాంగ్ యూట్యూబ్లో టాప్లో నిలిచింది. ఆ పాటతో ‘రంగబలి’ సినిమా ఆఫర్ అందుకుంది. ఇక ఈ సినిమాలో మెడికల్ స్టూడెంట్గా నటించిన ఈ బ్యూటీ మంచి మార్కులే కొట్టేసింది. ఇందులో ఓ సాంగ్లో గ్లామర్ షోకి హద్దులు చెరిపేసి యూత్ను ఆకట్టుకుంటోంది.
స్టార్ హీరోలతో పాటు యంగ్ హీరోల పక్కన కూడా సరిపోయే ఫీచర్స్ ఉండటంతో టాలీవుడ్లో మరిన్ని ఆఫర్స్ వచ్చే చాన్స్ ఉంది. ఇక సోషల్ మీడియాలోనూ యుక్తికి ఆరు లక్షల పైగానే ఫాలోవర్స్ ఉన్నారు.
