ఘట్ కేసర్, వెలుగు : బైక్ పై గంజాయి తెస్తున్న వ్యక్తిని ఘట్ కేసర్ ఎక్సైజ్ పోలీసులు అరెస్టు చేశారు. సీఐ జూపల్లి రవి తెలిపిన ప్రకారం.. మంగళవారం సాయంత్రం రాంపల్లి- చెంగిచెర్ల రోడ్డులో ఎక్సైజ్ పోలీసులు వాహనాలు తనిఖీ చేపట్టారు. వరంగల్ జిల్లా నర్సింహులుపేట మండలం దుబ్బతండాకు చెందిన జాటోతు రమేశ్మేడ్చల్ కీసర మండలం, రాంపల్లి, డీఎస్ఆర్ రాజ్ ఎన్ క్లేవ్ ఉంటున్నాడు.
అతడు అనుమానాస్పదస్థితి లో బైక్ పై వస్తుండగా ఆపి చెక్ చేశారు. అతని వద్ద 3 .345 కిలోల గంజాయి దొరికింది. తక్కువ ధరకు ఒడిశాలో గంజాయిని కొనుగోలు చేసి తీసుకొచ్చి రాంపల్లి, ఈసీఐఎల్ ప్రాంతాల్లో ఎక్కువ ధరకు అమ్ముతున్నాడు. గంజాయితో పాటు బైక్, మొబై ల్ ఫోన్ ను స్వాధీనం చేసుకుని రమేశ్ను రిమాండ్ కు తరలించినట్టు ఎక్సైజ్ సీఐ తెలిపారు.
