- ప్రతిఘటించడంతో దాడి
- ఘట్కేసర్లో బాధితురాలి ఫిర్యాదు
ఘట్‌‌‌‌‌‌‌‌కేసర్‌, వెలుగు : పెండ్లయి భర్తతో విడిపోయి ఒంటరిగా ఉంటున్న ఓ మహిళకు మున్సిపల్‌ ఆఫీసులో ఉద్యోగం ఇప్పిస్తానని నమ్మబలికిన లైంగికదాడి చేశాడో మోసగాడు..అంతేగాకుండా ఆమె నుంచి రూ.4.50 లక్షలు లాక్కున్నాడు. ఘట్కేసర్సీఐ కిరణ్‌ కథనం ప్రకారం..మల్లాపూర్‌‌‌‌‌‌‌‌కు చెందిన 30 ఏండ్ల వివాహిత ఎనిమిదేండ్ల కింద పెండ్లి చేసుకుని..పలు కారణాలతో భర్త నుంచి విడిపోయి టైలరింగ్‌ పని చేసుకుంటూ బతుకుతోంది. ఆ డబ్బులు సరిపోకపోవడంతో ఏదైనా జాబ్చేయాలని చూస్తున్నది. కొద్ది రోజుల కింద ఈమెకు పరిచయమైన భువనగిరికి చెందిన జగన్మోహన్‌ మున్సిపల్‌ ఆఫీసులో ఉద్యోగం ఇప్పిస్తానని నమ్మించాడు.
దీనికి రూ.5 లక్షలు ఖర్చవుతుందని చెప్పాడు. సోమవారం అతడికి ఫోన్ చేసిన బాధితురాలు రూ.4.50 లక్షలు సిద్ధం చేసుకున్నానని చెప్పింది. దీంతో భువనగిరికి తీసుకెళ్తానని చెప్పి మల్లాపూర్‌‌‌‌‌‌‌‌లోని రత్నదీప్‌ వద్ద ఆమెను కారులో ఎక్కించుకున్నాడు. తర్వాత మార్గ మధ్యలోని అంకుషాపూర్‌‌‌‌‌‌‌‌లో పెద్దసారు ఉన్నాడని, అతడిని కలిపిస్తానని ఓ రిసార్ట్‌‌‌‌‌‌‌‌కు తీసుకువెళ్లాడు. అయితే, సార్ను కలవడానికి ముందు తను చెప్పినట్టు చేయాలని బ్లాక్మెయిల్ చేశాడు. ఆమె ఒప్పుకోకపోవడంతో లైంగికదాడి చేశాడు. తర్వాత ఆమె దగ్గర డబ్బులను లాక్కున్నాడు. ఆమె ప్రతిఘటించడంతో ముఖం, చేతులపై ఇష్టమున్నట్టు కొట్టాడు. తర్వాత రిసార్ట్బయల వదిలేసి పరారయ్యాడు. దీంతో బాధితురాలి పోలీసులకు ఫిర్యాదు చేయడంతో జగన్మోహన్‌‌‌‌‌‌‌‌ను అదుపులోకి తీసుకున్నారు. బాధితురాలిని భరోసా కేంద్రానికి తరలించి దర్యాప్తు చేస్తున్నట్లు సీఐ తెలిపారు.
