- నేడో, రేపో సర్య్కులర్
- వానకాలం మొదలైనా తవ్వకాలు ఆగకపోవడంతో యాక్షన్
హైదరాబాద్ సిటీ, వెలుగు: నగరంలో అనుమతులు లేకుండా రోడ్లను తవ్వితే క్రిమినల్కేసు పెట్టాలని జీహెచ్ఎంసీ నిర్ణయించింది. దీనికి సంబంధించిన సర్క్యులర్నేడో, రేపో రానున్నది. వర్షాకాలం ప్రారంభమైనా సిటీలో పలు చోట్ల రోడ్ల తవ్వకాలు యథేచ్ఛగా కొనసాగుతున్నాయి. నీటి పైపులైన్లు, కరెంట్కేబుల్స్, టెలికాం లైన్ల పనుల పేరుతో ఎక్కడోచోట రోడ్లను తవ్వి వదిలేస్తుండడంతో వర్షాలు పడ్డప్పుడు గుంతల్లో నీరు నిలిచి ప్రమాదాలు జరుగుతున్నాయి. దీని గురించి ఎన్నోసార్లు వార్నింగ్ఇచ్చినప్పటికీ వినకపోవడంతో ఇక నుంచి కఠినంగా వ్యవహరించాలని జీహెచ్ఎంసీ నిర్ణయించింది.
రోడ్ల కటింగ్లపై ప్రత్యేక నిఘా పెట్టడంతో పాటు, పర్మిషన్లేకుండా రోడ్లను తవ్వే వారిపై సర్కిల్ లెవెల్లో డిప్యూటీ కమిషనర్లు పీఎస్లలో ఫిర్యాదు చేయాలని నిర్ణయించారు. రోడ్లు తవ్వే ముందు అనుమతులు తీసుకోవాలని, పనులు పూర్తయ్యాక రిపేర్లు చేయాలని లేకపోతే భారీ జరిమానాలు విధించాలని డిసైడ్అయ్యారు. వీరిపై కూడా క్రిమినల్ కేసులు పెట్టే ఆలోచనలో ఉన్నారు. రోడ్ల తవ్వకాలకు సంబంధించి సర్కిల్ అధికారులే బాధ్యత వహించేలా ఉత్తర్వులు వచ్చే అవకాశం ఉంది.
రూల్స్ ఇవే..
10 మీటర్ల వరకు రోడ్డు కటింగ్ కు సర్కిల్ ఎగ్జిక్యూటివ్ ఇంజినీర్(ఈఈ) అనుమతులివ్వనున్నారు. 15 మీటర్ల రోడ్డు కటింగ్ కోసం వచ్చిన దరఖాస్తులను సూపరింటెండెంట్ ఇంజినీర్(ఎస్ఈ) పరిశీలించి, పర్మిషన్ఇవ్వడంతో పాటు పనులు పూర్తయిన తర్వాత పునరుద్ధరణకు హెడ్ ఆఫీసుకి ఫైల్ పంపించాల్సి ఉంటుంది. 15 మీటర్ల కన్నా ఎక్కువ రోడ్డు కటింగ్కు పర్మిషన్కోరితే ఫీల్డ్ లెవెల్లో తనిఖీలు చేసి, రిపోర్ట్తో పాటు ఫైల్ ను ఆఫీసు ద్వారా చీఫ్ ఇంజినీర్ (సీఈ)కి పంపి ఆమోదం పొందాలి. 15 మీటర్ల లోపు రోడ్ కటింగ్కు అనుమతి ఇచ్చే ముందు సూపరింటెండెంట్ ఇంజినీర్ ఫీల్డ్ విజిట్ చేయాలి. వీటన్నింటినీ సర్క్యులర్లో పొందుపరచనున్నారు.
