హైదరాబాద్ సిటీ, వెలుగు: గ్రేటర్ పరిధిలోని ప్రభుత్వ, ప్రైవేట్ స్కూళ్ల విద్యార్థులు ఆరోగ్యంగా ఉండేందుకు ఏం తినాలి? ఎలా తినాలి ? అన్న విషయంపై అవగాహన కల్పించేందుకు త్వరలోనే స్టేట్ ఫుడ్ సేఫ్టీ వింగ్ తో కలిసి ఈట్ రైట్ కార్యక్రమాన్ని నిర్వహించేందుకు జీహెచ్ఎంసీ ప్లాన్ చేస్తోంది. చాలా ప్రాంతాల్లోని విద్యార్థులు తమ స్కూల్ కు సమీపంలో విక్రయించే క్వాలిటీ లేని ఫుడ్తిని అస్వస్థతకు గురవుతుంటారు. ఈ క్రమంలో ఆరోగ్యంగా ఉండాలంటే తీసుకోవాల్సిన ఆహారంపై అవగాహన కల్పిస్తే బాగుంటుందని ఈట్ రైట్ప్రోగ్రామ్నిర్వహిస్తున్నారు.
జీహెచ్ఎంసీ అడిషనల్ కమిషనర్ రఘుప్రసాద్ శుక్రవారం స్టేట్ ఫుడ్ సేఫ్టీ అధికారులతో చర్చించారు. జీహెచ్ఎంసీ పరిధిలోని స్కూల్స్అన్నీ జీహెచ్ఎంసీ లో నమోదు చేసుకోవాలని చీఫ్ మెడికల్ ఆఫీసర్ త్వరలోనే సర్క్యులర్ జారీ చేయనున్నట్లు తెలిసింది. ఇప్పటికే స్టేట్ ఫుడ్ సేఫ్టీ వింగ్ సిటీలోని 261 స్కూళ్ల వివరాలను తీసుకుందని ఈ కార్యక్రమాన్ని పక్కాగా నిర్వహించేందుకు జీహెచ్ఎంసీని భాగస్వామిని చేయాలని ఫుడ్ సేఫ్టీ వింగ్ భావిస్తున్నట్లు సమాచారం.
