బాలీవుడ్ స్టార్ సల్మాన్ ఖాన్ నటిస్తున్న లేటెస్ట్ మూవీ ‘బ్యాటిల్ ఆఫ్ గల్వాన్’(Battle Of Galwan). అపూర్వ లఖియా దర్శకత్వం వహిస్తున్నారు. చిత్రాంగద సింగ్ హీరోయిన్గా నటిస్తోంది. భారత్–చైనా సరిహద్దుల్లో 2020లో జరిగిన గల్వాన్ లోయ ఇన్సిడెంట్ ఆధారంగా ఈ మూవీ తెరకెక్కుతోంది. తెలంగాణకు చెందిన వీర సైనికుడు, గల్వాన్ వీరుడు కల్నల్ సంతోష్ బాబు పాత్రలో సల్మాన్ కనిపించబోతున్నాడు. సినిమాపై హిందీతో పాటుగా తెలుగునాట భారీ అంచనాలు ఏర్పడ్డాయి.
ఈ క్రమంలో శనివారం (DEC27న) సల్మాన్ ఖాన్ బర్త్ డే స్పెషల్గా మూవీ టీజర్ రిలీజ్ చేశారు మేకర్స్. వార్ బ్యాక్డ్రాప్లో రూపొందిన ఫస్ట్ లుక్ టీజర్ ఆసక్తి రేకేత్తిస్తోంది. ఇండియన్ ఆర్మీ ఆఫీసర్గా సల్మాన్ ఖాన్ ఇంటెన్స్ రోల్లో కనిపించి ఆకట్టుకున్నారు. హిమేష్ రేష్మియా సంగీతం గూస్ బంప్స్ కలిగిస్తోంది. ఈ మూవీ వచ్చే ఏడాది 2026 ఏప్రిల్ 17న ప్రేక్షకుల ముందుకు రానుంది.
కల్నల్ బి. సంతోష్ బాబు.. 2020 జూన్ 15న గల్వాన్ లోయలో భారత్ - చైనా సైనికుల మధ్య పోరాటం ఆధారంగా ఈ మూవీ రూపొందుతుంది. ఈ పోరులో 20 మంది భారతీయ సైనికులు ప్రాణాలు కోల్పోయారు. 16వ బెటాలియన్ కమాండింగ్ ఆఫీసర్గా వ్యవహరించిన సూర్యాపేటకు చెందిన కల్నల్ బి. సంతోష్ బాబు తీవ్రంగా గాయపడి, ప్రతికూల పరిస్థితుల్లోనూ భారత దళాలను నడిపించారు.
►ALSO READ | RGV-PrakashRaj: శివాజీ వ్యాఖ్యలను 'నిర్భయ' నిందితుడితో పోల్చిన ఆర్జీవీ.. అనసూయకు అండగా ప్రకాష్ రాజ్!
ఆయన మరణానంతరం ప్రభుత్వం మహావీర్ చక్రను ప్రదానం చేసింది. ఇప్పుడు సంతోష్ బాబు పాత్రను సల్మాన్ పోషిస్తుండటంతో అంచనాలు పెరిగాయి. శివ్ అరూర్, రాహుల్ సింగ్ రాసిన ‘ఇండియాస్ మోస్ట్ ఫియర్లెస్ 3’ పుస్తకం ఆధారంగా ఈ చిత్రాన్ని తెరకెక్కిస్తున్నారు. సల్మాన్ ఖాన్ ఫిలిమ్స్ నిర్మిస్తుంది.
