నిరుద్యోగుల పట్ల కేసీఆర్ ప్రభుత్వం వ్యవహరించిన తీరుపై ఓ నిరుద్యోగి వినూత్న నిరసన తెలిపాడు. కామారెడ్డి జిల్లా బాన్సువాడలో పుట్ట భాస్కర్ అనే నిరుద్యోగి సోమవారం లుంగి కట్టుకొని, బనియన్ తో నామినేషన్ వేయడానికి వెళ్తూ గాడిదను వెంట తీసుకువెళ్లాడు. అనుమతి లేదని పోలీసులు ముందే నిలిపేశారు. చేసేది లేక అతను ఒక్కటే రిటర్నింగ్ అధికారి కార్యాలయానికి వెళ్లి నామినేషన్ వేశాడు. బీఆర్ఎస్ ప్రభుత్వం నిరుద్యోగుల జీవితాలతో ఆడుకుందని, పేపర్ లీకేజీలతో లక్షల మంది రోడ్డున పడ్డారని భాస్కర్ ఆవేదన వ్యక్తం చేశారు.
- బాన్సువాడ, వెలుగు
