బీర్కూర్, వెలుగు : ఏడు నెలల చిన్నారిపై గుర్తు తెలియని వ్యక్తి బ్లేడ్ తో గాయాలు చేశాడు. ఈ ఘటన కామారెడ్డి జిల్లా బీర్కూర్ లో బుధవారం వెలుగు చూసింది. బీర్కూర్ ఇందిరా కాలనీకి చెందిన టేకు సతీశ్, సంధ్యకు ఏడు నెలల కుమార్తె ఉంది. మంగళవారం రాత్రి చిన్నారి తండ్రి సతీశ్ పక్కన పడుకుంది. కొద్ది సేపటి తర్వాత సతీశ్నిద్ర లేచి చూడగా పాప కనిపించకపోవడంతో భార్య వద్ద పడుకొని ఉంటుందని భావించి నిద్రపోయాడు. తెల్లవారుజామున చిన్నారి గురించి అడుగగా తనకు తెలియని సంధ్య సమాధానమిచ్చింది. దీంతో కుటుంబసభ్యులు చుట్టుపక్కల గాలించగా.. గోసంగి సంఘం బిల్డింగ్వెనుక ఒళ్లంతా గాయాలతో పడి కనిపించింది. వెంటనే బాన్సువాడ ఏరియా హాస్పిటల్కు, అక్కడి నుంచి నిజామాబాద్ హాస్పిటల్ కు తరలించారు.
