- ప్రారంభించనున్న గవర్నర్
హైదరాబాద్ సిటీ, వెలుగు: మాసాబ్ట్యాంక్ ఇండియన్ రెడ్ క్రాస్ సొసైటీ భవనంలో వృద్ధుల కోసం ఏర్పాటు చేసిన ‘ప్రణామ్’ మల్టీ-సర్వీస్ డే కేర్ సెంటర్ను గవర్నర్ శివ ప్రతాప్ శుక్లా మంగళవారం ప్రారంభించనున్నారు. ఈ కేంద్రంలో ఒకేసారి 100 మంది వృద్ధులకు సేవలు అందించొచ్చు. వారికి క్రమం తప్పకుండా వైద్య పరీక్షలు, మందుల పంపిణీ, పోషకాహారం, మానసిక ఆరోగ్య సలహాలు, డిజిటల్ ఎడ్యుకేషన్ట్రైనింగ్, ప్రభుత్వ సంక్షేమ పథకాలపై అవగాహన, లైబ్రరీ, ఇండోర్ గేమ్స్, కల్చరల్ప్రోగ్రామ్స్, బ్రేక్ ఫాస్ట్ వంటి సేవలు అందుబాటులో ఉంటాయి.
ఈ కేంద్రాన్ని మోడల్ డే కేర్ సెంటర్గా అభివృద్ధి చేసేందుకు గవర్నర్ ఆఫీసు రూ.13.57 లక్షలు, జిల్లా కలెక్టరేట్నుంచి రూ.11.57 లక్షలు కేటాయించగా, కేంద్ర ప్రభుత్వం అటల్ వయో అభ్యుదయ యోజన పథకం కింద తొలి విడతగా రూ.12.43 లక్షలు మంజూరు చేసింది. వృద్ధుల్లో ఒంటరితనాన్ని తగ్గించి, ఆరోగ్యకరమైన వృద్ధాప్యాన్ని ప్రోత్సహిస్తూ, సమాజంలో గౌరవప్రదమైన జీవనానికి తోడ్పడటమే ఈ కేంద్రం ప్రధాన లక్ష్యమని అధికారులు తెలిపారు.
