- టీయూడబ్ల్యూజే ఆధ్వర్యంలో ఢిల్లీలో ఘనంగా దశాబ్ది వేడుకలు
న్యూఢిల్లీ, వెలుగు: ‘తెలంగాణ కోసమే తెలంగాణ జర్నలిస్టులు’ అన్న నినాదంతో ప్రత్యేక రాష్ట్ర సాధన ఉద్యమంలో జర్నలిస్టు సమాజం చేసిన సేవలు మరువలేనివని టీయూడబ్ల్యూజే ఢిల్లీ నాయకత్వం పేర్కొంది. తెలంగాణ దశాబ్ది అవతరణ ఆవిర్భావం దినోత్సవాలను టీయూడబ్ల్యూజే ఢిల్లీలోని తెలంగాణ భవన్లో ఘనంగా నిర్వహించింది.
అమరవీరుల స్తూపానికి, తెలంగాణ తల్లి విగ్రహానికి జర్నలిస్టులు పుష్పాంజలి ఘటించారు. అనంతరం దశాబ్ది ఉత్సవాల కేక్ కట్ చేసి సంబరాలు చేసుకున్నారు.
