- డప్పు చప్పుళ్లతో, యువత కేరింతలతో వేడుకలు
నెట్వర్క్, వెలుగు: నవరాత్రులు పూజలందుకున్న గణేశుడికి ఘనంగా వీడ్కోలు పలికారు. ఉమ్మడి కరీంనగర్, ఆదిలాబాద్, నిజామాబాద్ జిల్లాల్లో ఏర్పాటుచేసిన వేలాది గణేశుడి విగ్రహాలను బుధవారం నిమజ్జనం చేశారు. చిన్నా పెద్దా తేడాలేకుండా తీన్మార్ స్టెప్పులు, డప్పు చప్పుళ్లు, డీజే పాటలతో వీడ్కోలు పలికారు. ఈ సందర్భంగా నిర్వహించిన శోభాయాత్రలకు పెద్దసంఖ్యలో భక్తులు తరలివచ్చారు.
గోదావరిఖనిలో శోభాయాత్రకు భారీ వర్షం ఆటంకం కలిగించింది. గోదావరి నదిలో నీరు లేకపోవడంతో సాయంత్రం సమయంలో ఎల్లంపల్లి ప్రాజెక్ట్ నుంచి మూడు గేట్లను తెరిచి ఐదు వేల క్యూసెక్కుల నీటిని దిగువకు వదిలి పెట్టారు. కరీంనగర్లో భారీ వర్షంలోనే నిమజ్జనాలు కొనసాగాయి.
