కామారెడ్డి టౌన్, వెలుగు : కామారెడ్డి కలెక్టరేట్లో సోమవారం సర్దార్ సర్వాయి పాపన్న గౌడ్జయంతి వేడుకలు నిర్వహించారు. కలెక్టర్ ఆశిష్ సంగ్వాన్ పాపన్న ఫొటోకు పూలమాలలు వేసి నివాళులర్పించారు. పాపన్నగౌడ్ పోరాట స్ఫూర్తి, సేవలను కొనియాడారు. అధికారులు, గౌడ సంఘం ప్రతినిధులు పాల్గొన్నారు.
నిజామాబాద్లో..
నిజామాబాద్, వెలుగు : జిల్లాలో సోమవారం సర్దార్ సర్వాయి పాపన్న గౌడ్ జయంతి వేడుకలు ఘనంగా జరిగాయి. నగరంలోని వినాయక్నగర్లోని పాపన్నగౌడ్ విగ్రహానికి కలెక్టర్ వినయ్కృష్ణారెడ్డి పూలమాల వేసి నివాళులర్పించారు. అన్యాయం, దౌర్జన్యాన్ని ఎదురించిన పాపన్నగౌడ్ పోరాట పటిమ, ధైర్యం స్ఫూర్తిదాయకమన్నారు. బీసీ సంక్షేమ శాఖ అధికారి నర్సయ్య, గౌడ, బీసీ కులసంఘాల నేతలు ఉన్నారు.
