ఎన్సీసీతో డిసిప్లిన్, నాయకత్వ లక్షణాలు
బీజేపీ జాతీయ కార్యవర్గ సభ్యుడు వివేక్ వెంకటస్వామి
ముషీరాబాద్, వెలుగు : ఎన్సీసీలో చేరడం ద్వారా క్రమశిక్షణ, నాయకత్వ లక్షణాలతో పాటు గొప్ప వ్యక్తిత్వాన్ని అలవర్చుకోవచ్చని కాకా డాక్టర్ బీఆర్ అంబేద్కర్ ఇన్స్టిట్యూషన్ చైర్మన్, బీజేపీ జాతీయ కార్యవర్గ సభ్యుడు వివేక్ వెంకటస్వామి అన్నారు. ఇలాంటి అవకాశాన్ని సద్వినియోగం చేసుకోవాలని విద్యార్థులకు సూచించారు. సోమవారం బాగ్లింగంపల్లిలోని కాకా డాక్టర్ బీఆర్ అంబేద్కర్ కాలేజీలో ఎన్సీసీ క్యాడెట్లకు ర్యాంక్ ప్రమోషన్స్ కార్యక్రమం జరిగింది.
దీనికి వివేక్ చీఫ్ గెస్ట్గా హాజరై ప్రతిభ కనబర్చిన స్టూడెంట్లకు ర్యాంకులను అందజేశారు. ఆ తర్వాత ఆయన మాట్లాడారు. ప్రస్తుత పోటీ ప్రపంచంలో ఎడ్యుకేషన్ శక్తిమంతమైన ఆయుధమని అన్నారు. స్టూడెంట్లు బాగా చదువుకొని కలలను నెరవేర్చుకోవాలని సూచించారు. కార్యక్రమంలో ఇన్స్టిట్యూషన్స్ ఫ్యాకల్టీ, సిబ్బంది, విద్యార్థులు పాల్గొన్నారు.
