హనుమకొండ, వెలుగు:గ్రేటర్వరంగల్ మున్సిపల్ కార్పొరేషన్లో డెవలెప్మెంట్ వర్క్స్ డెడ్స్లోగా సాగుతున్నాయి. కొన్ని పనులు పేపర్ల దశలోనే ఉండిపోగా.. ఇంకొన్ని వర్క్స్ స్టార్ట్ అయి మధ్యలోనే ఆగిపోయాయి. కాగా మరికొన్ని పనులు పునాదులు కూడా దాటని పరిస్థితి.. ఇందులో చాలా వాటికి ఫండ్స్ కొరత కారణమని తెలుస్తుండగా.. ఇంకొన్నింటికి మాత్రం ఆఫీసర్ల నిర్లక్ష్యమే అడ్డంకిగా నిలుస్తోంది. దీంతో గత నెల 20న జిల్లాకు వచ్చిన పురపాలక శాఖ మంత్రి కేటీఆర్ కూడా గ్రేటర్ పరిధిలో జరుగుతున్న డెవలెప్ మెంట్పనులపై హనుమకొండ, వరంగల్ జిల్లాల అధికారులు, ప్రజాప్రతినిధులతో రివ్యూ చేశారు. పెండింగ్ పనులతో పాటు డెడ్ స్లోగా నడుస్తున్న వాటి గురించి ఆరా తీశారు. వెంటనే ఆయా వర్క్స్ అన్నీ పూర్తి చేసేలా యాక్షన్ తీసుకోవాలని ఆదేశించారు. కొన్ని పనులకు డెడ్ లైన్ కూడా ఫిక్స్ చేశారు. మంత్రి చెప్పి నెల దాటినా ఇంతవరకు ఏ ఒక్క పనిలో కూడా పురోగతి లేదు. దీంతో జిల్లా లీడర్లు, ఆఫీసర్లు మంత్రి కేటీఆర్ ఆదేశాలను లైట్ తీసుకుంటున్నారనే విమర్శలు వ్యక్తమవుతున్నాయి.
కాగితాల్లోనే మెట్రో నియో..
నగరంలో ట్రాఫిక్ సమస్య పెరుగుతుండడంతో కొత్తగా కాకతీయ అర్బన్ డెవలప్ మెంట్ అథారిటీ (కుడా) ఆధ్వర్యంలో మెట్రో నియో ప్రాజెక్ట్కు రూపకల్పన చేశారు. మహారాష్ట్రలోని నాగపూర్ మాదిరిగా మెట్రో నియోకు సంబంధించిన డీపీఆర్ను ‘మహా మెట్రో’ సంస్థ తయారు చేసింది. ఈ మేరకు రూ.1,340 కోట్లతో కాజీపేట రైల్వే స్టేషన్ నుంచి వరంగల్ రైల్వే స్టేషన్ వరకు మొత్తం 17 స్టేషన్లతో ఈ ప్రాజెక్టు ప్రణాళిక రూపొందించారు. సిటీ జనాభా, రోజు రోజుకు పెరుగుతున్న ట్రాఫిక్ సమస్యలు తీర్చేందుకు మెట్రో నియో ప్రాజెక్టును పట్టాలెక్కిస్తామని మంత్రి కేటీఆర్ రెండేండ్ల నుంచి చెబుతూ వస్తున్నారు. డీపీఆర్ రెడీ అయిందని, సంబంధించిన పనులు స్టార్ట్ అయ్యేలా చూడాలని గత నెల కూడా ‘కుడా’ ఆఫీసర్లను ఆదేశించారు. కానీ ఫండ్స్కొరతతో మెట్రో నియోకు సంబంధించిన వర్క్స్ ఇంతవరకు పట్టాలెక్కలేదు.
కాళన్న క్షేత్రానికి టార్గెట్ జూన్ ఫస్ట్..
2014 సెప్టెంబర్ 9న సీఎం కేసీఆర్కాళోజీ కళా క్షేత్రానికి శంకుస్థాపన చేశారు. రూ.50 కోట్ల అంచనా వ్యయంతో క్షేత్రాన్ని నిర్మించేందుకు ప్రణాళికలు సిద్ధం చేసినప్పటికీ ఫండ్స్ కొరత కారణంగా పనులు మధ్యలోనే ఆగిపోయాయి. ఆ తరువాత రాష్ట్ర మంత్రులు ఎర్రబెల్లి దయాకర్రావు, సత్యవతిరాథోడ్, శ్రీనివాస్ గౌడ్, ప్లానింగ్ కమిషన్ వైస్ చైర్మన్ బోయినపల్లి వినోద్ కుమార్, చీఫ్ విప్ వినయ్ భాస్కర్, ఇతర లీడర్లు ఆ కళాక్షేత్రాన్ని విజిట్ చేసి తొందర్లోనే పూర్తి చేస్తామని చాలాసార్లు హామీలు ఇచ్చారు. ఇదే విషయాన్ని మంత్రి కేటీఆర్ కూడా చెప్పి జూన్ 1 నాటికి ప్రారంభానికి సిద్ధం చేయాలని ఆఫీసర్లను ఆదేశించారు. కానీ మలి దశ పనులు ఇంతవరకు స్టార్ట్ కాలేదు. దీంతో వచ్చే సెప్టెంబర్ లో జరిగే కాళోజీ జయంతికి కూడా కళాక్షేత్రం అందుబాటులోకి వచ్చే పరిస్థితి కనిపించడం లేదు.
ఓ వైపు లీకేజీలు.. మరోవైపు చెత్తాచెదారం
గ్రేటర్ పరిధిలోని 66 డివిజన్లలో వాటర్లీకేజీ సమస్యలు ఏర్పడుతున్నాయి. మంత్రి కేటీఆర్ తాగునీటి ఇబ్బందులు తలెత్తకుండా చర్యలు తీసుకోవాలని ఆదేశించిన తరువాత గ్రేటర్ ఆఫీసర్లు సిటీలో దాదాపు 700 లీకేజీలు గుర్తించారు. అందులో కొన్నింటిని రిపేర్ చేసినా నీళ్లు రంగు మారి వస్తుండటంతో ప్రజలు ఇబ్బందులు పడుతున్నారు. అంతే కాకుండా రెండు, మూడు రోజులకోసారి వాటర్ సప్లై చేస్తుండటంతో నగరవాసులు ఇబ్బంది పడుతున్నారు. శానిటేషన్ సమస్య కూడా తీవ్రంగా ఉంది. పబ్లిక్ హెల్త్ విభాగంలో సిబ్బంది కొరత కారణంగా కూడా సమస్యలు ఏర్పడుతున్నాయి. ఇలా మంత్రి కేటీఆర్ ఆదేశించిన అనేక పనులు నత్తనడకన సాగుతుండడంపై గ్రేటర్ప్రజల నుంచి అసంతృప్తి వ్యక్తమవుతోంది. ఇకనైనా అన్ని పనులు స్పీడప్ చేయాలని నగర వాసులు కోరుతున్నారు.
పునాదుల్లో మార్కెట్లు.. మొదట్లోనే బయో మైనింగ్
గ్రేటర్ వరంగల్ కు ఒకే ఒక డంపింగ్ యార్డు రాంపూర్ వద్ద ఉండగా.. నిత్యం పోగవుతున్న చెత్తతో అది పూర్తిగా నిండిపోయింది. అందులో దాదాపు 4 లక్షల టన్నుల చెత్త పేరుకుపోగా గ్రేటర్ ఎలక్షన్లకు ముందు మంత్రి కేటీఆర్ చేతుల మీదుగా బయో మైనింగ్ కు శ్రీకారం చుట్టారు. అందుకు స్మార్ట్ సిటీ ఫండ్స్ రూ.36 కోట్లు కూడా కేటాయించారు. కానీ ఆఫీసర్ల పర్యవేక్షణ లేమితో ఇంతవరకు అందులో పావు వంతు వ్యర్థాలు కూడా క్లీన్ చేయలేదు. ఇప్పటివరకు 45 వేల టన్నుల చెత్త మాత్రమే లిఫ్ట్చేశారు. గత డిసెంబర్ లో ఈ ప్రాజెక్ట్ వర్క్స్ స్టార్ట్ కాగా.. ఏడాదిలో పూర్తి చేయాలని టార్గెట్ నిర్ధేశించారు. ఇప్పటికే ఆరు నెలలు దాటినా పావు మందం పనులు కూడా కాలేదు. నగరంలో ఇంటిగ్రేటెడ్ మార్కెట్ల నిర్మాణం స్పీడప్ చేయాలని మంత్రి కేటీఆర్ ఆదేశించినప్పటికీ అవి ఇంకా పునాదుల దశలోనే ఉన్నాయి. రాంనగర్ జంక్షన్ వద్ద రూ.4.5 కోట్ల ఫండ్ తో నిర్మించే మార్కెట్ఇప్పటికీ పునాది దశ దాటలేదు. వరంగల్ లక్ష్మీపురం లో రూ.24 కోట్లతో నిర్మించే మార్కెట్కు పునాది కూడా తీయలేదు. అమ్మవారిపేటలో 150 కేఎల్ డీఎఫ్ఎస్టీపీ పనులు కూడా నత్తనడకనే సాగుతున్నాయి. దోబీ ఘాట్లు, డిజిటల్ డోర్ నెంబర్ల ప్రక్రియ, వైకుంఠదామాల పనులు స్లోగా సాగుతున్నాయి.
ఇవి కూడా చదవండి
ప్లంబర్ శైలజ ఇన్స్పిరేషనల్ జర్నీ..
తరగని ఆస్తినంతా దానం చేసి ఏం చేస్తున్నారంటే..
